Luka 11:4-43

⁴Thaj oprosti amare grehura, sar amen so oprosti okolenđe so čeren grehura premal amende! Thaj crde amen taro iskušenje.'”

⁵Thaj o Isus vačarda: ”Den gođi sar bi avola kana bi khoni tumendar đala ke po amal ki opaši rat, thaj te roden mangro lestar, thaj te vačaren lese: 'Amala, dema trin mangre, pa ka iriv tuće.

⁶Golese kaj avilo taro drom mo amal ke mande, thaj naj so te čhuvav angle leste.'

⁷A vov andral te phenol: 'Ačhav ma ko miro! Mo vudar si phanglo thaj me čhave si manca ano than e pašljimaso, thaj našti uštav te dav tut!'

⁸Vačarav tumenđe: Ako ni uštilo golese kaj si leso amal, ka uštol te dol le golese so si bilađutno thaj uporno.”

⁹Vačarav tumenđe: “Manđen thaj ka dolpe tumenđe! Roden thaj ka aračhen! Maren thaj ka putavol tumenđe!

¹⁰Golese kaj savore save manđen, dolpe lenđe, save roden aračhen, save maren, putardol lenđe.

¹¹Savo dad tumendar: kana bi o čhavo rodola mačhe, o dad dol le ke gova than sape?

¹²Il te manglja angro te dol le škorpija?

¹³Kana tumen, bišukar manuša, đanen šukar buča te den tumare čhaven, kobor pobut tumaro Dad taro nebo ka dol tumen Duxo Sveto kolenđe save molin le?”

¹⁴Jekh drom o Isus tradija e benge taro manuš savo naštine te vačarol. Kana iklilo o beng lestar vov lija te vačarol, thaj zadivime e manuša sesa.

¹⁵A nesave lendar vačarde: “E Veelzevulese e demonurenđe šerutnese zorasa, tradol e demonen.

¹⁶A avera iskušisade e Isuse gija so rodije znako te dičhen dal si bićhaldo taro Dol.

¹⁷Thaj o Isus đanglja so den gođi thaj phenda lenđe: “Đi jekh carstvo savo si ulado ka properol. Čher an savo naj sloga ka properol.

¹⁸Gija i o beng te uladape korkoro pestar, sar ka ačhol leso carstvo? Vačaren kaj e Veelzevulesa tradav e bengen.

¹⁹Ako me e Veelzevulese zorasa tradav e bengen, save zorasa traden len tumare sikade? Thaj von korkore ka osudin tumen.

²⁰Thaj ako me e Devlese zorasa tradav e bengen, onda avilo tumende o carstvo e Devleso.”

²¹Thaj o Isus vačarda: “Kana okova savo si zuralo manuš naoružilpe, thaj aračhol po čher, leso barvalipe si šukar arakhado.

²²Al kana avol po zuralo lestar, pobedil le thaj lol sa leso oružije ane savo pačaja, thaj ulavol pirencar so lija taro slabo manuš.

²³Savo naj manca, protiv mande si, thaj ko manca ni čidol, vov onda čhorol.”

²⁴Kana o bilačho duxo ikljol andaro manuš, đal ke thana kaj naj khančhi te rodol than kaj šaj odmoril pe, thaj kana ni aračhol vačarol: “Te irima ano mo manuš kotar ikliljem.”

²⁵Thaj kana iril pe o melalo dux aračhol kaj si gova manuš sar čučo čher savo si šulado thaj namestimo andral.

²⁶Teg đal thaj aračhol efta averen duhuren pobilačhe pestar, thaj aven andre te bešen, thaj avol e manušese po bilačhe nego angleder.”

²⁷A kana gova vačarda o Isus, jekh đuvli savi šunda le vačarda zurale: “Blagoslovimi i dej savi inđarda tut an po vođi, thaj dijatu čuči!”

²⁸A o Isus vačarda: “Vađi po blagoslovime si kola save šunen o Lafi e Devleso thaj čeren le.”

²⁹Po but manuša lije te čiden pe, a o Isus lija te vačarol lenđe: “Tumen e manuša so živin ke kava vreme sen bilačhe. Tumen roden o znako, thaj ni ka dolpe tumenđe znako sem e čudura so čerde pe e Jonase e prorokose.

³⁰Gova so sasa e Jonase, sasa znako kaj o Dol bičhalda le e manušenđe save živisade ani Niniva. Gija mancar so ka avol, ka avol znako kaj me o Čhavo e Manušeso, o Dol bičhalda man kale manušenđe.

³¹Ko đive kana ka avol e Devleso sudo, i carica so angleder vladisada e južnone phuvasa ka uštol thaj ka osudil manušen tar kava bijandipe, golese kaj odural avili tare empalune phuva te šunol e caro e Solomone savo sasa but mudro, a ake, kate si khoni po baro taro Solomon, a tumen ni manđen te šunen le.

³²Ko đive kana ka avol e Devleso sudo, e manuša so bešle ano purano foro Niniva ka ušten i ka osudin kale manušen tar kava bijandipe, golese kaj kajisajle kana o Jona sikada len, a ake kate si khoni po baro taro Jona, a tumen ni pokajisaljen!”

³³“Khoni ni phabarol i svetiljka pa te čhuvol la talo garado than, ni tali korpa, nego čhuvol la ko than e svetiljkako te šaj dičhen o svetlost okola so den ano čher.

³⁴Ćiri jakh si sar svetiljka e telose. Ako gija ćiri jakh si sasti, sa ćo telo ka avol osvetlimo. Ako si ćiri jakh bilačhi, ćo telo ka avol ani tama.

³⁵Golese vodi redo ma gova svetlost sosi ane tute te avol tama.

³⁶Golese ako si sa ćo telo osvetlimo thaj naj nisavo deo ani tama, ka avol sa osvetlimo sar kana i svetiljka osvetlil tut.”

³⁷Thaj kana o Isus vačarola, jekh tare fariseja akharda le te hal mangro ke leste. Thaj o Isus đelo ke leste thaj bešlo ki sinija.

³⁸A o farisej čudisajlo kana dikhlja so o Isus bešlo a angleder golestar ni thoda pe vasta anglo hape.

³⁹A o Rajo o Isus vačarda lese: “Akana tumen e fariseja thoven od avral o tahtaj thaj o čaro, a andral si pherde pohlepa em bilačhipe.

⁴⁰Bigođače! Naj li o Dol kova savo čerda e manuše od andral thaj od avral?

⁴¹A kava si po šukar: den e čororenđe okova so isi tumen andre, so halaneste garaven ane tahtaja em ane čare, thaj ka aven thode od andral em odavral.

⁴²Pharo tumenđe e farisejenđe so den dešto kotor tare začinura thaj taro sa o povrće, a ni marin te čeren averenđe okova so si šukar em te manđen e Devle. Trubul te den dešto kotor e Devlese, al ma te bistren te čeren okova so pobut trubul.

⁴³Pharo tumenđe e farisejenđe! So volin te bešen ke anglune thana ane sinagoge em kana dičhen tumen e manuša, pherde poštujipe premal tumende, te pozdravin tumen ke trgura.