LUCAS 19:30-41

³⁰rëb me lo zho: ―Goḻtsie guiedz win ne ndxie daṉse lo ne i. Ga gdziṉ to zaatne quiadoo tib burr yeeṉ ne choot gard sob lad, dzigo goḻxadz ma, goḻtënie ma nu.

³¹Teḻ cho gnabdiidz lo to pe nacne noxadz to ma, goḻguiab lo zho: meṉ ne rnabey ne, meṉ co rquiin ma.

³²Laa zho zie. Bdziṉ zho, zaatne quiadoo burr co,

³³nligaa, lëëtaque noxadz zho ma, zeeṉe laa bizhuan ma bdziṉ. ―¿Pe guṉ to xpurr naa? ―rëb me lo zho―. ¿Pe nacne noxadz to ma?

³⁴Dzigo rëbchaa zho: ―Meṉ ne rnabey ne, meṉ co rquiin ma.

³⁵Bdziṉnie zho ma lo Jesús, pxob zho lar ne rbix zho lad ma, bzob me ma.

³⁶Zigse zie me, no grë miech guizhiu co rta zho xab zho ro nëz rded burr ne zob me ga.

³⁷Grëse miech co, rleynie zho me. Laa zho xiuxto dze cho gui Oliv, zeeṉe psilo zho nguiedz zëëb tsi zho, rley zho rooḻnie zho Dios, por grëtaa milagr ne ziyaṉ zho ruṉ Jesús;

³⁸rnee zho: ―¡Nasi laa Dios pxeeḻ zhirey ne! ¡Zha ndzontaa Dios! ¡Haxta gbaa noyac guieḻbley dze rii!

³⁹Blalaa zha farisé ne zienaḻ ga, zeeṉe goṉ zho zha rooḻnie grë miech co me, wbig zho lo me, rnab zho gnee me lo zho guioog ro zho.

⁴⁰Dzigo rëbchaa me: ―¡Zac guioog ro zho, per hor co dzigo laa grë quie rii csilo gooḻniew naa!

⁴¹Zeeṉe bdziṉ me zaatne nieeṉpaa Jerusalén, psilo biab guieḻnë me, biin me goṉ me guiedz co,