Luka 19:30-41

³⁰Amur a vana ta nam ra pia na pal na lua ta mumur, ma ba amur a olo tana, amur a tadav uka ra nat na as di tar veva, ma pa ta i ga ki boko tana, amur a pala ia, ma amur a ben ia uti.

³¹Ba tikai i tir amur ba: Dave amur pala ia? amur a biti dari: Beaka ra Luluai i mainge.

³²Ma dir nam, i tulue dir, dir vana ma dir gire tadav nina ra magit i ga tatike ta dir.

³³Ba dir palapala ra nat na as, diat ba kadiat, dia tir dir: Dave go amur pala pa ra nat na as?

³⁴Dir biti: Beaka ra Luluai i mainge.

³⁵Ma dir ben ia tadav Iesu; ma dia pale kadia umana mal ta ra nat na as, ma dia vaki Iesu tana.

³⁶Ba i vanavana, dia palapale kadia lavur mal na nga.

³⁷Ma ba i tar maravai pire ra vanavana ba ta ra luana na Oliva, a lavur tarai na vartovo par dia gugu ma dia pite pa God ma ra ngala na nilai diat ta ra lavur dekdek na papalum, dia tar gire; dia biti:

³⁸I ti doan nina ra King i vut ma ra iang i ra Luluai; a malmal arama ra bala na bakut, ma ra pite varpa urama muka!

³⁹Ta ra umana Parisaio ta ra kor dia biti tana: Tena Vartovo, una tigal kaum tarai na vartovo.

⁴⁰Ma i tatike bali diat dari: Iau ve avat, ona go diat diat a tur mut, a lavur vat diat a oraoro.

⁴¹Ma ba i maravai, i gire ra pia na pal, ma i tangie, i biti: