Luuqaasa 19:30-41

³⁰“Hintte sinthan de7iya gutaa biite, hintte yaa gakkiya wode oonikka toggonna qashettidi de7iya hare mari demmana. Iya billidi haa ekki yiite.

³¹Oonikka, ‘Ays billeeti?’ gidi oychchiko, ‘Goday iya koyees’ yaagite” yaagis.

³²Kiitettidayssati bidi I gidayssada hanin be7idosona.

³³Entti hare maraa billishin godati be7idi, “Hare maraa ays billeeti?” yaagidosona.

³⁴Entti zaaridi, “Goday iya koyees” yaagidosona.

³⁵Yaappe hare maraa Yesuusakko ehidosona. Bantta ma7uwa hare maraa zokkon yeggidi Yesuusa hare maraa bolla utisidosona.

³⁶Asaykka I biya ogiya bolla bantta ma7uwa hiixidosona.

³⁷Shamaho Deriya dugethaa wodhisiya ogiyakko matiya wode taybon keehi daro asay entti be7ida malaalisiyaban ufayttidi bantta qaala dhoqqu oothidi,

³⁸“Godaa sunthan yaa kawoy anjjettidayssa saluwan saroy ubbaafe dhoqqa saluwan bonchchoy Xoossaas gido.” yaagidi Xoossaa galatidosona.

³⁹Asaa giddofe issi issi Farisaaweti Yesuusakko, “Asttamaariyaw, ne tamaareta hayzite gada hanqetta” yaagidosona.

⁴⁰I enttako, “Entti si77i giikko shuchchati waassana” yaagis.

⁴¹Yesuusi Yerusalaame matishe katamaa be7idi iyaw yeekkis.