ሉቃሳ 19:30-41 - Ooratha Caaquwaa

³⁰«ሂንቴንቱፔ ሲንꬃን ዴዒያ ቄሪ ካታማቱዋ ቢቴ፤ ያ ሂንቴንቱ ጌሊያ ዎዴ፥ ኦኒኔ ቢሮ ኡቲቤና ሃሬ ማራይ ቃሼቲ ኡቴዳዋ ዴማኒታ፤ ኣ ቢሊዴ ሃ ኣኪ ዪቴ።

³¹ኦኒኔ ሂንቴንታ፥ ‹ሃዋ ኣያው ቢሊቴ?› ጊዴ ኦቾፔ፥ ‹ኢ ባሬ ጎዳው ኮሺያ ዲራሳ› ያጊቴ» ያጌዳ።

³²ኪቴቴዳዋንቱካ ቢዴ፥ ዬሱሲ ኡንቱንቶ ኦዶዋዳን ሃኒና ዴሜዲኖ።

³³ኡንቱንቱ ሃሬ ማራ ቢሊያ ዎዴ ቤዒዴ ሃሪያ ጎዳይ፥ «ሃሬ ማራ ኣያው ቢሊቴ?» ያጌዳ።

³⁴ኡንቱንቱካ፥ «ጎዳው ሃዌ ኮሼ» ያጊዴ፥

³⁵ሃሬ ማራ ዬሱሳኮ ኣሄዲኖ፤ ባሬንቱ ማዩዋ ኣ ቦላን ዎꬂዴ ዬሱሳ ሃሪያ ቶጊሴዲኖ።

³⁶ኣሳይካ ዬሱሲ ቢያ ኦጊያ ቦላ ባሬንቱ ማዩዋ ሂፄዲኖ።

³⁷ኢ ዴብሬ ዛይቴ ጌቴቲያ ዴሪያ ዱጌꬃ ኣፊያ ኦጊያ ማቴዳ ዎዴ፥ ዳሮ ጮራ ጊዴዳ ኣ ካሊያዋንቱ ቤዔዳ ፆሳይ ኦꬄዳ ማላታው ኡባው ናሼቲዴ፥ ባሬንቱ ኮሻ ꬎቁ ኦꬂዴ፥

³⁸«ጎዳ ሱንꬃን ዪያ ካቲ ኣንጄቴዳዋ፤ ሳሉዋን ሳሮታይ ጊዶ። ቃሲ ኪሊ ꬎቃ ሳሉዋን ዴዒያ ፆሳይ ቦንቼቶ» ያጌዲኖ።

³⁹ኣሳ ጋርሳን ዴዒያ ኢቲ ኢቲ ፓሪሳዋቱ ዬሱሳ፥ «ታማርሲያዎ፥ ኔና ካሊያዋንታ ጮዑ ኦꬃሪኪ» ያጌዲኖ።

⁴⁰ኢካ ዛሪዴ፥ «ታኒ ሂንቴንቶ ኦዳይ፥ ኡንቱንቱ ጮዑ ጎፔ፥ ሹቻይካ ዋሳናዋ» ያጌዳ።

⁴¹ዬሱሲ ዬሩሳላሜ ማቴዳ ዎዴ፥ ካታማቶ ቤዒዴ፥ ዬኪዴ፥