Joshua 24:5-14

⁵“Vaho gu nira vetena Moses ma Aaron, mi nau tu vahera main a lei totoro te dika va I vuvungana Egypt; mi murina vaho keri inau tu lavi rughuhoru ghau vagha rana vure tatavahale.

⁶Mi tana bona rana kukuamiu tara va sara tana Tahi Sisi, gaira na vure ni Egypt tara ghrura nia na horse mana tarake te ghorai na horse.

⁷Mi tana bona tarangangaraha vania Lord, inau tu talua n pui tana ghobumiu maia rana Egypt. Mu nea na tah me pari kuvira me lumira. Mau righighi nia na matamiu na hava tu gonihi. Vao gau kabu tana bona aroha te subo na niulu.

⁸Mi tana sosoko, ina tu lavighau v tana komudira na Amori paleva uluna I Jordan. Ma gaira tara veitotoghoni kolughau, hau va mi nau tu vaheghau na lagavule mau lagavulera, mau lavia didira na pari mau loghoa.

⁹Vaho Balak dalena Zippor na vunaghi hali ni Moab te tughuru geke veitotoghoni kolua Israel. Ma gaia te holoa va Balam dalena Beor geke varanga ghau.

¹⁰Hau va inau tu mua talu kuligu va itatana. Tughua keri, inau tu nea Balaam me vautoghau, mi nau tu vavolaghau tana limana Balak.

¹¹Mi tana bona tausogha halavua na Tina Jordan ma va sara I ericho, na lei mane ni Jericho tara veitotoghoni kolughau, kolura ghua rana Amori, ma rana Perizz, ma rana Canaan, ma rana Hitti, ma rana Girgash, ma rana Hivit, ma rana Jebus. Hau va, mi nautu vaheghau na lagavule mau lagavulera.

¹²Inau tu vaheghau na pari tau mua lutu matena, mana lei komu sule tau mua kusui, na li komu sule tau ghanaghau ga taeni. Mu vaheghau ghua na leghai ni vine, mana olive mau ghanighi, sakai vamua tau mua subai.

¹³Me vaghaa keri ke, kau nia kikinima makau ghanaghana mavaa Lord, makau lutu vania nia na tobamiu udolu. Kau sonikehai tamiu na lei titinoni tava kikinima vanira na lei kukuamiu, tara kabu mua I pala va I Euphrate maa I Egypt, makau lutu vania vasoo Lord.

¹⁴Ma lei tamiu ke mua liona na lutu vaniana Lord ke, mi taeni tua ke vilia ahei ke lutu vania. Pa gaia na god tara lutu vania na lei kukamiu tara ghanara mua pala vai Ephrates? Pa didira na god na Amori tau kabu tua iga taeni ta didira na pari? Ma vaniu inau ma nigua na binaboli ke, ighai kai lutu vania Lord.”