Jeremías 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

¹Bab-Jehová weyob anga sogsad: “Jeremías, sasirdub-lino be bakna, be-saderba be edinno. Melle we-sasirdub-lino be owardikuo.”

²Igi-Bab-Jehová-anga-sogsa, aba an imaksad. Sasirdub-lino an baksad. Geb agine, an-saderba an edichad.

³Geb Bab-Jehová anga weyob sognonibalid:

⁴“Be sasirdub-lino-baksadi, be-saderba-naidi be unge. Éufrates-diwarse be nae, akwa-maraled-yaba sasirdub be odukuo.”

⁵Igi Bab-Jehová anga-sogsa, aba an imaksad. Geb an Éufrates-diwarse naded, sasirdub-lino akwa-maraled-yaba an odosad.

⁶Ibagan-undar-nasadgi, Bab-Jehová anga sokalid: “Jeremías, Éufrates-diwarse be nae, sasirdub-lino-akwa-maraled-yaba-odosgusad be sunae.”

⁷Geb agine, an Éufrates-diwarse naded. An akwa-akwisad, agine, akwa-maraled-yaba-sasirdub-odosgusadi, an onosad. Sasirdub-lino bela nungusad, gwen bar nuedsulid.

⁸Geb Bab-Jehová weyob anga sognonibalid:

⁹“Ar igi be we-sasirdub nunu-daksa, deyopira an Judá-dulemar-na-san-dummarba-imakdiid imakoed. Jerusalén-dulemar-na-san-dummarba-imakdimarmogad deyob an imakbaloed.

¹⁰We-dule-isganamar an-ega-ibmar-soged-itobisurmaladi, na e-gwage-binsaedba ibmar imakmalad. Amar bab-dummaganba-nanadmaladi, bab-dummagan-e-nug odummodmalad. Amala bela sasirdub-lino-nunudyob gumaloed, gwen bar nued guosurmalad.”

¹¹Bab-Jehová soged: “Ar igi sasirdub-lino dule-saderba-atinne, deyopira an bela-Israel-dulemar, degi, bela-Judá-dulemar, an-Igar-Maidgi alakwaa-naguega an imaksanad. Adi, an-neggweburga-guega, an-nug-ogannodiguega, angi nue-binsaed-nikaa-nanamalaga, degi, an-gandikid-yeerdakleged-egi-oyolegega an imaksanad. Degi-inigwele, an-sogedba ibmar imaksasurmalad.”

¹²“Jeremías, an-dulamarga be sogbalo: Israel-e-Bab-Dummad-Jehová weyob sogye: ‘Bela metemargi vino enolegoye.’ Bega sokarmalale: ‘¿Ar anmar bela metemargi-vino-enolegoed wissurmarsi?’

¹³Geb agine be, emarbin-sogdoed, weyob Bab-Jehová sogye: ‘Bela dulemar we-yalaginmaladi an omumsaoye. Wemar an omumsaoye: Reymar-e-dad-Davidʼgi-danimalad, dule-irwa-Bab-Dummadse-gormalad, degi, bela Jerusalénʼginmalad an omumsaoye.’ ”

¹⁴Bab-Jehová soged: “Na muchub-muchub-sarsomalaga an imakoed, babgana, e-mimmiganbo-sarsomalaga an imakbaloed. An we-dulemar bai-dakosulid, wile an ebinsaosulid. An we-dulemar obelogoed.”

¹⁵Ani Jeremías dulemarga weyob sogded: “Israel-dulemar, nue-bogimakar be an-itomala.” Bab-Jehová-sunnagwad sogsad: “Melle na be san-dummarbaa imakmarye.

¹⁶Begi Bab-Jehová negsichid barmidaged-iduar, be gandikidba e-nug-ogannomar. Bemar negsichidgi yoledigumaloed-iduale, Bab-Dummad-nug be odummomar. Ar bemar, neg-meegwad edarbedimalad, degi-inigwele, Bab-Dummad bega negsichid nasiknonikoed, bela-belad neg gudure imakoed.

¹⁷Ar bemar anba-ibsasulile, an bemarga walagwengi arbakee bemar-san-dummarba-imakedba an bodii guoed. An yaisuli-boedbali an-ibyanis ariodii guoed, geg an sagusadse bodii guoed. Ar Bab-Jehová-e-dulemar, dikasuli gales-seledmaloed.

¹⁸”Reyga, degi, e-nanga be weyob sogo: ‘San-bipii na be imakmala. Bemar, rey-gangi-siidgi be aidemala, napagi be sigmala. Ar be-ologurgin-yeerdakleged-yoega bar bega igar maisulid.’

¹⁹Neguev-neggweburmar bela e-isdarmaladse ebililesbukwad, dulemar geg-noe bukwamalad. Bela Judá-dulemar yar-baidse selesmalad, bela yar-baidgi ambikusmalad.

²⁰”¡Be atakmala! Dulemar-dad-nakwed-argan-sapiledsik-danikid be nue dakmala. ¿Bia dulemar-akwega-bemarga-uklesad nade? ¿Bia we-dulemar-be-yeerdaksamalad nade?

²¹Wede igi be sogosunna, Bab-Dummad, be-ai-nueganga-guega be odurdaksadi be-dummaganga nug-imaksar. Naibid-dummad be itomaloed. Sior-gwensak muu-neggi-ugakgunaile, nunmaked-dummad abinganaidae, debayobi, ulubgi be nunmaked itogoed.

²²”Na be dukin weyob sokarmalale: ‘¿Ibiga wede deyob anmar wilearye?’ Ar be galagwensuli-isgusad-ulale, uka-swili be-imakmaloed. Be galagwensuli-isgusad-ulale, be-gagamaloed.

²³¿Ar dule-uka-sichidi, e-uka ogwao be insae? Gege na e-uka ogwaed. ¿Ar achu-sapur-uka-mata-matad, e-uka ogwao be insae? Suli. Gege ogwaed. Ar bemar deyobmodo. ¿Ar bemar ibmar-isgana-imakdimaladgi, ibmar-nuegan imakmalosi? Suli. Ar bemar bato ibmar-isgana-imaked nue-durdaksamalad.”

²⁴Bab-Jehová soged: “Igi nega-dulesulidganba-burwa-goledi, gagan-dinnagan-oaisakie, deyobi, an bemar-oaisakioed.”

²⁵Bab-Jehová sogbalid: “Ar weyob be odurdaklemalargebed, na weyob be wilemalargebed. Ar bemar an-iedmalad, ar gakansaedgi bur be bensuli gudmalad.

²⁶Uka-swili an bemar-imakoed, be-abgangi be bingegugwichiguedse an be-imakoed.

²⁷Bemar-galagwensuli-ibmar-isgana-imaked an daksad. Nainumargi-ibmar-imaksad, yar-mullugangi-ibmar-imaksad, an bela daksad. Bemar galagwensuli-negsichigi-nanaedi, emarga-agumakedi, degine, bemar-gambanuchu-saedi, an daksad. ¡Jerusalén-dulemar! ¡Na be duledar-wilesmar! ¿Ar sanagwadse be isguedgi-gudigumaloye be sogmala?”