Jeremías 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

¹Hilcías-machi-Jeremías we-gayaburbamar sogsad. Jeremíasʼde dule-irwa-Bab-Dummadse-gormalad-e-gwenadgansik danikidid, Anatot-neggweburginedid. Anatot-neggweburde, Benjamín-yalagi siid.

²Deunni, Amón-machi-Josías reyga birgambe-gakapaagus (13) Judá-yargi-maidgi, Jeremíasʼse Bab-Jehová-gayaburba nonikid.

³Deginbali, Josías-machi-Joacim Judáʼgi reyga-maigusadgi, Bab-Jehová-gayaburba Jeremíasʼse nonigusbalid. Josías-machi-Sedequías Judáʼgi birgambe-gakagwensak-gaka-nii-walataledgi reyga-maid-bergusadse, Bab-Jehová-gayaburba Jeremíasʼse nonigusbalid. Wegisundo, a-ibagangi, deunni, Jerusalén-dulemar Babilonia-neggweburse gales-selesgusmalad.

⁴Bab-Jehová-gayaburba anse nonikid, weyob anga nonikid:

⁵“Jeremías, amba yoo be sapibeneggi-mege bato an be-susad. Amba yoo be gwalulege, bato angadga an be-imaksad. Dulemar-yar-baid-baidgi-bukmaladga an-gayaburba-barsogedga bato an be-nug-imaksad.”

⁶An weyob Bab-Jehová-abin sogded: “¡An duledar-wiles! Bab-Dummad-Jehová, amba an machi-swilid. An wissulid, igi an dulemar-abargi sunmakoe.”

⁷Degi-inigwele, Bab-Jehová anga sogded: “Melle be soge: ‘Amba an machi-swiliye.’ Ar bia an be-barmidoe, aba be naoed. An bega-ibmarmar-sogoedi, bela dulemarga be sogmogoed.

⁸Ani an Bab-Jehová-guedgi bega soged: Melle be dulemar-abin gwayo. Ani an be-bendakega beba gudii guoed.”

⁹Geb agine, Bab-Jehová e-argan anse-oyoalid, geb an-gakuli ebusad. Agine weyob anga sogded: “Be-gwabindukugi an bega, an-gayaburbamargi-sunmakoed an nasiksad.

¹⁰Emi-ibagi, yarmar-selemamaidgi, degi, dulemar-yar-baid-baidgi gargangued-nika an be-imaked: Adi, be dulemar-ononnogega, yar-selemamaid-obelogegar, Dulemar-osulogega, yar-selemamaid-bibisgegar. Gannar dulemar-urbega, gannar yarmar-selemamai guegar.”

¹¹Geb Bab-Jehová anga soged: “Jeremías, we-ibmar, ¿ibu-ibmar be dake?” Bab-Jehová-abin an sogded: “We an dakedi, sapi-almendro-ana an daked.”

¹²Degi, Bab-Jehová anga sogded: “Nabir-be-soge, inniki be daksad. An-ibmar-sogsadi, sogedba-guega an imakedsegad.”

¹³Geb Bab-Jehová gannar anga sognonibalid. Weyob anga sogded: “¿Jeremías, we-ibmar, ibu-ibmar be dakbali?” Bab-Jehová-abin an sogded: “We an dakedi, bormogi-dii-gwakwarmaknai an daked. A-dii-gwakwarmaknaid dad-nakwed-sapiled-akar aryodani an daked.”

¹⁴Geb Bab-Jehová anga odaloded: “Dad-nakwed-sapiled-akale, bela we-yalagi-dulemar-bukwadgi, boni-dummagan an barmidoed.”

¹⁵Bab-Jehová weyob soged: “Dulemar-dad-nakwed-argan-sapiledsik-bukmaladse an golesokalid. A-dulemar Jerusalén-neggwebur-doged-yawagakse, e-ambikued-negmar urbenonikoed. Bemar-galu-matusulid-akwabiid-asabin ambikunonimaloed, degi, bela Judá-neggweburmargi gwichigunonimaloed.

¹⁶Dulemar bela-belad-isgusmalad-ular, an egi gwichiguoed. Ar ade, angi bangudmalad. Bab-dummad-baiganga ina-wawadikid ogumakar ukdemalad. Degine, e-ibmar-sobsamalad, e-bab-dummadyobi imakdemalad.

¹⁷”Jeremías, bedi guakwagudii sao. An bega bela-ibmar-sogoedi, be sognao. Melle be we-dulemar dobguo. Degisulile, ani an dulemar-asabin-gwayega an be-imakoed.

¹⁸Emi-ibagi, neggwebur-gandikidyob an be-imaksad. Bubawar-esgorobiidyob, an be-imaksad, degi, galu-matusulid-esgoro-gordikidbiidyob, an be-imaksad. An be-ogannosadi, bela we-yalagi dulemar-bukwadgi-yolegega an be-imaksad. Judá-e-reymargi-gwichiguega an be-imaksad, e-dummagangi-gwisguega an be-imaksad. Degine, e-dule-irwa-anse-gormaladgi-gwisguega an be-imaksad. Bela dulemar-e-neggweburginmaladgi-yolegega an be-ogannosad.

¹⁹We-dulemar bela begi gwisgunanai gumaloed, degi-inigwele, begi obinosurmalad. Ar ani an, be-bendakega beba gudii guoed. Ani an Bab-Jehová-guedgi, we-ibmar an bega soged.”