IOSUA 6:12-23

¹²Daba matana dekenai Iosua ia toreisi, bona hahelagaia taudia ese Taravatu Maua idia abia isi.

¹³Vadaeni hahelagaia taudia 7 ese, mai edia kibi 7 idia raka vaira, Lohiabada ena Taravatu Maua ena vairanai idia raka, bona kibi idia hiriria nega momo.

¹⁴Unai dina iharuana dekenai hanua idia raka hanaia nega tamona, vadaeni kamepa dekenai idia giroa lou. Dina 6 be unai bamona idia karaia.

¹⁵Dina namba 7 dekenai, daba ia rere idia toreisi, bona unai bamona dala dekenai hanua ma idia raka hagegea, to unai dina namba 7 be idia raka hagegea nega 7.

¹⁶Nega namba 7 dekenai, hahelagaia taudia ese kibi idia hiriria bada neganai, Iosua ese Israela taudia ia hamaoroa, ia gwau, “Umui boiboi bada! Lohiabada ese hanua umui dekenai ia henia vadaeni!

¹⁷Inai hanua, bona ia lalonai gau ibounai, be boubou gauna Lohiabada dekenai dainai, do umui hadikaia ore momokani. To ariara hahine Rahaba sibona, mai ena ruma taudia ibounai danu do umui hamauria, badina be ia ese iseda hasinadoa taudia ia hunia dainai.

¹⁸To umui naria namonamo, Lohiabada ese inai hanua ena gau ibounai umui dekenai ia taravatua dainai, gau ta do umui abia lasi, umui sibona do umui hadikaia garina, bona Israela kamepa ibounai ese, kerere bona dika momokani do ia davaria garina.

¹⁹Siliva bona golo ibounai, bona auri laboralabora gaudia, bona auri gaudia ibounai be helaga, Lohiabada totona. Inai gaudia be Lohiabada ena kohu haboua gabuna dekenai do umui atodia.”

²⁰Kibi idia hiriria neganai, Israela taudia idia kamonai, bona maoromaoro idia boiboi bada herea. Vadaeni hanua ena magu ia moru diho, bona maoromaoro tuari taudia idia raka vareai, hanua idia abia.

²¹Hanua ibounai idia hadikaia ore, tatau bona hahine, memero bona buruka, boromakau, mamoe bona doniki, ibounai be tuari kaia dekena amo idia alaia mase.

²²Iosua ese hasinadoa taudia ruaosi dekenai ia hamaoroa, ia gwau, “Ariara hahine ena ruma dekenai do umui daekau, hahine mai ena varavara taudia ibounai danu do umui hakaua, emui gwauhamata umui henia hegeregerena.”

²³Vadaeni unai eregabe ruaosi, guna idia be hasinadoa taudia, ese ruma idia raka vareai. Idia ese Rahaba, iena tamana bona sinana, iena taihuna bona iena varavara ibounai danu idia hakaua murimuri dekenai. Idia ibounai be idia hakaua lao, Israela taudia edia kamepa murinai idia atodia.