IKUƆ́ NÌÙBƐ̀ 14:11-13

¹¹Kɛ̀ ikuɔ́ nìùtì wèè dɔ̀ɔ̀ri mɛwénkùmɛ̀ kó ikuɔ́ kòo cónnɛ́ onìtì ò dɔ́ kɛ́wénkùnnɛ wè nɛ̀ o pɑ̃rɛ̀ mɛtɑummɛ̀ tou ììkɛ̀.

¹²Kɛ̀ ikuɔ́ nìùtìi túótɛ́ yɛpedɑbɛ kó dìmɑrì kɛ́féútɛ́ mɛyɛi nhũtímù kpɛ́í. Kòò dèè wèe túótɛ́ mɛkùɔ̀ ndítìrì dikéè kɛ́ dɛ̀ nni mbɛnkɛ.

¹³Ikuɔ́ nìùtì weè yó n féútɛ́ dɛ kó dipedɑbii mɛtɑummɛ̀ tou ììkɛ̀, bɛ̀ n feu dɛ̀ mɛyɛi ncĩ́ɛ̃́mmɛ̀ kpɛyi nɛ̀ bɛ̀ tùɔ̀ nyì. Dɛ kó fɛɔ̃̀fɛ̀ ikuɔ́ nìùtì weè yó nfɛ̀ te, bɛ̀ ɔ̃ ntemɛ̀ mɛyɛi ncĩ́ɛ̃́mmɛ̀ kɔfɛ. Bɛ̀ fɛ̀ nni mpɑ̃mu.