HEREVA LADA-ISIDIA 9:2-9

²Ena vamu vada e aladia mase, ena vine ranuna vada e buloa, ena pata vada e dabaraia.

³Ena hesiai kekenidia vada e siaidia lao, hanua lalonai atai gabudia amo bae boiboi, baeto:

⁴Daika na asi aonegana, ia na iniseni ai baine raka vareai. Bona asi darana tauna na ia ese e hereva heniamu, e tomu:

⁵Aoma, egu dabara bavania; vine ranuna vada na buloa ba inua;

⁶lalo-duhu ba rakatania bena ba mauri; lalo-parara dalana ai ba raka.

⁷Ḡonaḡona tauna e sisiba heniamu tauna na bae ihi-ihiraia, bona kara dika tauna e gwau heniamu tauna na bae haberoa.

⁸Ḡonaḡona tauna basio gwau henia, badina be baine inai henimu; a aonega tauna ba gwau henia bena baine lalokau henimu.

⁹Aonega tauna ba hadibaia, bena ena aonega ma baine bada; kara maoromaoro tauna ba hadibaia, bena baine diba herea.