Proverbio 9:2-9

²Nanparti si animal na ya nantimpla si arak. Insagana na abe din lamisaan.

³Binaa na din baa na ay babbabai ta emey da sin kakayangan ay lugar sin ili yan kanan da:

⁴“Dakayo ay magay ammo na ya dakayo ay naong-ong,

⁵omali kayo ta mangan kayo ya inomen yo din tinimplak ay arak.

⁶Dokogan yo din ogalin di magay nemnem na yan onodan yo din panagbiyag di masirib ta matago kayo.”

⁷Din mamagbaga si manlaslasoy ya sin mangam-amag si lawa et maoyaw ya mapabainan anggoy.

⁸Isonga adi kan bagbagaan di ipogaw ay makalasoy, tan iliget nas sik-a. Ngem mo say bagbagaam di masirib, laylayden daka.

⁹Bagbagaam di masirib et matapian din sirib na. Itdoam di nalinteg et matapian din laing na.