Dad Fngewe 9:2-9

²Kmatê kenen i lmanaf du fnistan, na nun bolan fye nem dininuman, na tafnatlagadan i gukmaanan.

³Na dekan i dad saligan libun ditù di gunun dee to, du nlakla i dad to.

⁴Na manla, “Na gamu dad kulang kfulung, salugamu dini, na gamu landè kaglabat,

⁵salu gamu dini, du kmaan gamu i knaan na minum gamu i ninum i tafnatlagadan gamu.

⁶Tnagakyu i kulang kfulungyu, du fye mlawil gamu, na lalòyu i dalan kaglabat.” Ani gman kfulung fagu di dad saligan.

⁷Ku nngakam i to madoy, balingan ge fyà, na ku nngakam i to sasè, balingan ge fansasè.

⁸Nang ge mngak i to madoy, du knangan ge, bay ku nngakam i to fulung, toon ge nafè.

⁹I fngewem di to fulung, gatnù i kfulungan, na i tdoam di to matlu, gatnù i gnadean.