Soakas 9:2-9

²El sapkin in anwuki soko kosro nu ke sie kufwa, ac kurrauk mwe akyu mongo nu ke wain uh, ac akoela tepu nu kac.

³El supwala mutan fusr kulansap lal nu yen fulat ke siti uh elos in pang ac fahk,

⁴“Utyak, kowos su wangin etauk la!” Ac nu sin mwet lalfon el fahk,

⁵“Fahsru, kang mwe mongo nak, ac nim ke wain ma nga kurrauk.

⁶Fahsr liki mwet nikin ingan ac moul. Fahsr ke inkanek lun etauk.”

⁷Kom fin kai sie mwet filang, el ac folokin ke kas in akmwekin. Kom fin kai sie mwet koluk, el ac suk in akngalye kom.

⁸Nimet kai sie mwet filang; el ac srungakom. A kom fin aksuwosye sie mwet lalmwetmet, el ac akfulatye kom.

⁹Kutena ma kom ac fahk nu sin sie mwet lalmwetmet ac akyokye lalmwetmet lal, ac ma nukewa kom ac fahk nu sin sie mwet suwoswos ac laesla etauk lal.