Isáysa 54

1

2

5

6

7

8

9

14

25

32

40

42

44

45

49

50

52

53

54

55

56

58

60

61

65

66

¹Siy Irusarinshuchis, kiz mipish tamaparee ashirus taarangsa. Tputsiris ndunari; iparis ndunarpaz ashiru taarangsa. Natunaa, kizpur shambatangtsa. Mangis kis, Jay, jay, tángtsa. Watam Apanll Taarashipan atuwa. Kasamawtaa kiz wip zapan taachiya. Wamari kasichiya yuw wazaranll taaru anootsi, atiya.

²Pangeetsis aranginasha yápungangtsa. Mapiyrus pangeemis tambtatssa. Mbamari pashuchutssa. Maachiritish zapan anush taachiya.

³Watam siy tputsiris zapan taachuwa. Ningich watandaram taaksin, arangeemsha watandaram taachtamanaya. Siyachich shitungeersin, wamari arapchee tputs kasichinllinaya. Tputsee watsapun itutseersin, anushsha taachinllinaya.

⁴Pzirintspa, watam mapiyrus taatssawa. Minamtiyam tputs siyaa mantsir tsiyatchazinllinaja. Siyaa tpazamaam ndunshaparee. Sirú kiz mashind ashirus taarangus, pazirpatis taarangus, itaru natunaa, anoo chinacheezis.

⁵Tsapurunassee tinampansha siyaa chinaku, siyaa wizanlleempaz ashiru yamayaru, siysa anush kisa taatssa. Uw kizpurcha. Apanll Taarashipancha. Siyaa tapachindampancha. Tsapurunassee zurampatari ksutkiya. Apanlliritcha. Yuwartatam zitaminaris Israelarini chinarangu anuritamcha.

⁶Siysa kiz kamasin kasam ashirus kapung kiyung kachiyarangsa. Itaru, Apanllsha siyaa yusur kuruzeeru, siyaa átcha.

⁷Nuw siyaa natumasaam kasarangina. Itaru natsha, nuw siyaa kapung nayanikuri, yusur nuwapat kis taatssa.

⁸Nuw kapung tsiyantaranguri, natumasam siyaa suwayaruri, tapishurangina. Ashirangtaati, itaru nuw siyaa uru chinarangina. Nuw siyaa kizpur nayanikina, Apanll Taarashipan siyaa átcha, watam siyaa tapachindampanawa.

⁹Apanll ateeja: Sirútama yuwapur nuw tsapurunasee kungupat waneerangi, anpursha nuw zurampatari Nowerineetsi tárangina. Ayamtaatiya yusur kungupat nuw wanicheezi, tárangina. Natsha nuw siyaa zurampatartatam atashina. Ayamtaatiya yusur nuw siyaa kiyung yachacheezi. Mishat, siyaa mantsir tsiyatcheezi.

¹⁰Mach íwar nllitaritap naanataraa ashkachtaatiya, tsapush pantsaktaatiya, ashiritaa nuw siyaa uru chinachina. Nuw siyapa amikurtaranguri, siyaam mapiyshish uru panachintspa, táranguri, nuwaanaatsi kuki uru tuminchima. Nuw siyaa uru nayanikina, Apanll Taarashipan siyaa Irusarinshuchis áttanda. Apanll ateeja:

¹¹Siyaa yaktaris pangis yurangamaa. Sin sinaku, kambusur kizpur kambustaku, pangeetsis kapeetataraa ashirangu, siy yuwapur kiyung kachiyarangis, anpur minamtiyam tputs siyaa istarangeeja. Wayanut siy ashirangtaateesa, natsha nuw siyaa uru istachintspa. Patumbichpa kawambanamashpa pangeemis panguchima. Patumbich mbammashish chumbeepamashish pangis taatssa.

¹²Torre tsangampaneemsha chumbeepamashtam pashuchchima. Patumbichpat kurakurtaru anpat yaktareetsis tandapunuyaruri, íwar iturpichima. Washtangashsha zar tamapari ashiru tuwasiniru taachiya.

¹³Anush taakchus, nuwaana ipareetsis tayaspatachima. Ashkachuri, anush iparshitis uru kis taachinllinaya.

¹⁴Siysa tsiyatsis mantsirimshee itsinsaru yasakus, kizpursha taatssa. Ayamtaati tputs siyaa kiyung yachachazichinllinaja. Siy ndusha punitssa. Yutaritshishsha siyash ayamamtiyam yusur nda tushiychiya.

¹⁵Tputs siyapa waratamaam zandkitaatiya, nda nuwamand xarashish siyaa waratchinllinaya. Ashiritaa, siyamari kasitssa, Apanll siyaa átcha.

¹⁶Napangcha. Nuwaana tputsireetsi ngusambamsheem ínarangina. Tputs ngusambaa sumasish kizpur ksaneeyaru, maachee ichingaru waratamaam tinakiya. Nuwaantatam tputsee pachampaneem ínarangina. ¿Chakaja uwapat waritaku waritach?

¹⁷Kizpuritaa taaksin, siyaatssha kasimaam wanindaja. Tputs siyaa yutaritaam ínaktaatssin, ashiritaa siysa yámkus, zamaru taachinllinaya. Tputs uru nuwaa chinakchusin, nuwaa kuki payukchusin, nuwsha anoo tputsee istakchuri, urutamari wamari kasichinllinaya, Apanll Taarashipan zurampatari siyaa átcha.