Isaías 54

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹«Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Runan cachaycusha wawata mana tarej warmimi runayoj warmipita mas achca wawata tarenga.»

²«Witichinalla tolduyquita jatunyächiy. Tiyaycashayqui tolduyquitaga mashtar sumaj chutay. Tolduyquita chariraj wascacunata jatunyächiy; istägacunatapis sumaj jawiy.

³Gamcunaga achcayar wac-läman cay-lämanpis aypallamanmi mashtacanquipaj. Gampita mirajcunaga achca nasyuncunatami guechur charicarcärengapaj. Canan chunyaj caycaj siudäcunachöpis paycunaga juntami tiyangapaj.

⁴Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

⁵Camashoj Tayta Diosmi majanpaj shuntashunquipaj. Paypa jutenga munayniyoj Tayta Diosmi. Imapitapis chapäshöga caycan Israelcunapa Santo Tayta Diosninmi. Payga mundu intërupa Diosninmi.

⁶Gamga cachaycusha jipashnömi fiyupa llaquisha caycarayqui. Chayno caycajtami Tayta Diosniqui yapay gayashurayqui.»

⁷«Gamtaga rätullami cachaycurä. Ichanga fiyupa cuyapäcoj cashpämi yapay shuntashayqui.

⁸Illajpita rabyacurcushpämi juc rätulla mana ricamänayquipaj witicurirä. Ichanga imaycamapis cuyapäcoj cashpämi gamta cuyapashcä.»

⁹«Noé cashan wichanmi jurarä yapayga allpata imaypis yacuwan manana jundichinäpaj. Chaynömi gamtapis jurashpä në gampäga imaypis manana rabyanäpaj. Mananami castïgutapis munachishayquinachu.

¹⁰Puntacuna juc-läman witicuriptinpis, jircacuna gotucäcuptinpis, gamta cuyaytaga manami cachaycushayquipächu. Ni alli conträtuta rurashanchïpitapis manami cutiricushächu.»

¹¹Tayta Diosga Jerusalén siudäta nin: «¡Pasaypa llaquisha, ñacachisha caycaj, pipis shogashunayquipaj mana caj ricay! Nogami pergayquicunatapis camacächishaj cuyayllapaj ‹carbunclo› rumicunapa jananman. Chaura simintuyquipis ‹zafiro› rumipitami cuyayllapaj canga.

¹²‹Rubí› rumipitami ricachacuna törriquicunatapis rurashaj. Puncuyquicunatapis rurashaj ‹berilo› achicyaj rumipitami. Intëru cantun pergatapis cuyayllapaj rumicunawanmi pergashaj.

¹³Nogami yachachishaj llapan wamrayquicunata. Paycunaga llapanpis allimi goyangapaj.

¹⁴Noga munashäno goyarmi alli canquipaj. Manami pipis ñacachishunquipänachu. Manami imatapis manchacunquipächu. Yapayga mananami fiyupa manchariypajcuna chayashunquipänachu.

¹⁵Pipis magashunayquipaj shamöga manami noga camacächiptëchu shamongapaj. Chayno magashunayquipaj shamojcunataga llapantami binsinquipaj.

¹⁶«Nogami camacächishcä jirrëru cananpaj. Chay runami ninata shanshachin fyërruta wayllachinanpaj. Nircorga fyërrupita ruran tucuy-niraj pillyanacunata. Chay jirrërutanömi ima-aycatapis illgächej runacunatapis camashcä ima-aycatapis pasaypa ushaycunanpaj.

¹⁷Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.»