ESAII 10:27-34

²⁷Dɛ yiè ndi kù yóó dɛitɛmɛ̀ ditɔu bɛ̀ di buú ndì, kɛ́sɑɑtɛ kunɑɑ̀dɔ̀dɔ̀rìdɔú di fɔ̃̀níí. Kɛ̀ mɛborimɛɛ di nɑrikɛ.

²⁸Kɛ̀ Asidii kɔbɛɛ do Ayɑti kó dihɛì, kɛ́pɛ̃ɛ̃tɛ́ kɛ́séntɛ́ Nikidonni kɛ́yóu bɛ nɛntì Mikimɑsi,

²⁹kɛ́sɔɔtɛ́ bɛ cemmu kɛ́séntɛ́ kutɑ̃fuɔ, kɛ́tuɔkɛ Kebɑɑ kɛ́yié, kɛ̀ kufɔ̃wɑɑ́ mpĩ́ Dɑmɑɑ ɛì kɔbɛ kɛ̀ bɛ̀ nkpeutí, kɛ̀ Kibeɑ Sɑuri ɛì kɔbɛ cokɛ́.

³⁰Kɑdimmu ɛì kɔbɛ tiitɛ́nɛ̀ yɛdɑbùò. Diɑsɑ kɔbɛ kéntɛ́nɛ̀! Anɑtɔti ɛì kɔbɛ di kpɛrɛ dò mmɛsémmɛ̀ mmɛ.

³¹Mɑdimɛnɑ ɛì kɔbɛ cokɛ́mu, kɛ̀ Kebimmu ɛì kɔbɛ wɑmmú disɔ̀rì.

³²Dɛ yiè ndi Isidɑyɛɛribɛ dootitɔbɛ̀ tùɔ̀kɛmɛ̀ Nɔbu ɛì kɛ mmɛ́í sinɔu Sedisɑdɛmmu ɛì kɔbɛ Siyɔ̃ɔ̃ tɑ̃rì ĩ́nkɛ̀, kɛ tú bɛ̀ bo yɑ̀!

³³Ti Yiɛ̀ nKuyie Mpɑkɛdɑɑ bo do Isidɑyɛɛribɛ, kɛ́ bɛ̀ bìɛ́ bɛ̀ ɔ̃ɔ̃ bíɛ́ mɛ̀ɛ̀ botí itebɑkɛ. Bɛ̀ bo cṹũnní itebɑ̀kɛ cɛ̃́ɛ̃́yì kɛ̀ iokùìi duó kɛtenkɛ̀.

³⁴Ti Yiɛ̀ nKuyie mbo bɛ̀ bìɛ́ bɛ̀ ɔ̃ɔ̃ kɔ̃ṹ mɛ̀ɛ̀ botí dɛtesũ̀ũ̀rɛ̀ kutúúkù miɛkɛ. Dimɑɑ kó dɛtesɑ̀ɑ̀rɛ̀ bo duó.