1Juma yinya king wulan, yindu bama kingmanda bubuku Babyloniamunku. Nyulu kingangka mayi jirray wayjun, partyka. Nyulu bama rich-bala wubul bajaku kunjan, 1000-bala. Nyulu workingmananda balkan dishes gold-ones wundinka, yinyarrinmun dishmun kamu-kamu nukanka. Ngadiku Babylonia-warrangka yinyarrin dish ngakin Godundumun bayanmun townbu Jerusalem.
5Jana party jirray haveim-bal-ban. Kari, jinbalku bamamu mara nguwimalman, kuku wallmunbu writeim-bunganya, yamba jana binal kari yinyaynka kukuku. Nyulu kingangka yinya mara nyajin kuku wallmunbu writeim-bal-banya, nyulu yinyilman, bungku yararrin. Nyulu yirrkan, “Jinbal, jananin mari-doctor kunja.” Jana mari-doctor kadarin, kingangka jananda yalaman, “Kaki bamangka yinya kuku readim-bal, and ngaykundu milkanga-bungal, ngayu nyungundu present jirray dajil, nyungun maja jirray-bungal.” Yamba jana mari-doctorangka yinya kuku murruji readim-ban, murruji milkanga-bungan. Yinyaynka nyulu king yinyilmanyarrkuda. Jana binal kari, wanjarrmanka baja.
10Nyulu king jarra warruku. Yinyaynka nyulu kuku kariku nyajin Danielanka. Yamba nyunguwundu ngamungku kinganda yalaman, “Ngadiku yunuwundu nganjanangka nyubun bama burri Daniel wundin bubumun Judahmun. Nyulu Daniel maja-bungan, Danielangka bijarr milkanga-bunganya. Nyungun Daniel kunja, nyulu yinya kuku milkanga-bungal.”
13Jana Daniel jinbaldaku kinganda wundin partynga. Danielangka kinganda kuku milkanga-bungan, yalaman, “Yinya kuku yalaku: Godungku yunun kirin kingmanka baja. Yundu kunbayda. Nyulu bama yindu king-bungal bubumun yindumun.” Nyulu kingangka Danielanda presents dajinda, nyungun maja jirray-bungan.
30Mudu-wayjul-wayjunjiku yinya king wulan. Jana nyungun yarkinkaku kunin. Yindu king bubumun Persiamun kingman bubuku Babyloniamunku.
