Buka Linge 130:1-5

¹Na linge ni tona dato Lokana nigua na vahola, Ghe Lord, Inau tu kenea nimua na hahanga.

²Mo ko ronovighi mai nigua na ngangaraha, mo ko talu kulimu mai tua nigua na kokoeliulivuti.

³Ke vagha, ko pangotighi na gegereni na lei palumami ke, Ghe Lord, ma ahei ghua ke vola?

⁴Ighoe vamua to nia hevei nimua na talukeha palu, ge ighai kai naunaua na nigho kikinima.

⁵Gaia Lord ke pada maemaneu inau, Eo, gaia ke pada maemaneu, Inau tu talua nigua na ghanaghana mava tana bosana.