Godigo Nogi Ugwaba Sabo Tęąbi Po Wabo Buku Dabe 130:1-5

¹Genuai Bidi, ena haliga sęgę dwai mu ebaso, tama eno nageba i obao.

²Genuai Bidi, eno gela wabo odao. Te nago ena tau sao olama, te eno nageba i wabo odao.

³Te nago dago yali dwai sę tigidali nedebaso da, teda dego nago te po tų ebo ugwaba ela holobo usu egowe?

⁴Tiali goli, nago dago dwai sęde sali sęgę sela sąbo da, tama tiyu, dago nagede noma siyu, wi ebo dao.

⁵Eno homugo te Genuai Bidigo ena tau somainu homu elama, tama eno aga tonalubao. Tama eno konealubo homu agai poba dąų mu wabo dao.