SALMOS 130:1-5

¹TOTECO, quema nimopantía ipan se hueyi tlaohuijcayotl, na nimitztzajtzilía para xinechtitlanilis motlapalehuil.

²Toteco, xinechtlacaquili quema nimitznojnotza. Xinechchihuili cuenta tlen nimitztlajtlanía huan xinechpalehui.

³TOTECO, intla tiquilnamiquisquía nochi totlajtlacolhua, axaca huelisquía moquetzas moixtla.

⁴Pero ta nelía titetlapojpolhuía, para nochi tlacame ma mitztlepanitaca.

⁵Na nimochiya ipan ta, TOTECO, para tinechpalehuis, Quena, ica nochi noyolo nimotemachía ipan nopa tlen tinechtlajtolcahuilijtoc ipan motlajtol.