Mbouŋ to Yes Israela 130:1-5

¹O Yoova, aazne naneep ila pataŋani tiina lolo. Nene inimale nandal nazila mazovan! Tovenen nataŋ roran ghom.

²Tiina tiou, ughur taliŋam pa taŋiiz tiou. Lolom isamin ghou, ve ulooŋ suŋuuŋ tiou tonene.

³Yoova, ighaze matam kisin sosor tiei, sei irau iyoon ila matam? Eta maau.

⁴Eemoghon yom poia pughu, ve ureureu sosor tiei. Leso nimatughez payom, ve nitaghon ŋgar tiom.

⁵You nanumeer Yoova ve naghur matag pani naghaze ŋeez o iuul ghou? You naghur ila saveeŋ mbuaaŋ toni, tauto nasaŋan pa ulaaŋ to pale ivot.