Text copied!
BREAK EVERY YOKE
CopyCompare
Holi Baibul
- Ola Saam

Ola Saam 118
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150

Help us?
Click on verse(s) to share them!
1Gibit theingks langa YAWEI dumaji im na gudwan. Im filing blanga laigimbat pipul jidan olagijawan.
2Larram ola Isreil pipul tok, “Im filing blanga laigimbat pipul jidan olagijawan.”
3Larram ola serramonimen blanga God tok, “Im filing blanga laigimbat pipul jidan olagijawan.”
4Larram ol detlot hu weship im tok, “Im filing blanga laigimbat pipul jidan olagijawan.”
5Wen aibin ardimbat, aibin jingat langa YAWEI, en imbin ensim mi en larramgo mi fri.
6YAWEI im oldei jidan garram mi. Ai kaan bradin langa enibodi blanga ardimbat mi.
7YAWEI na jidan garram mi en im oldei album mi. En ai garra gudbinji wen ai luk main enamimob kaan win.
8Im mobeda blanga trastimbat YAWEI blanga jidan seifwan, bat im nomo gudwan ting blanga trastim pipul blanga enijing.
9Im mobeda blanga trastimbat YAWEI blanga jidan seifwan, bat im nomo gudwan blanga trastimbat ola lida blanga enijing.
10Ola enami brom ola kantri bin raidaran langa mi, bat aibin binijimap olabat garram det pawa blanga YAWEI.
11Olabat bin jidan raidaran langa mi, bat aibin binijimap olabat garram det pawa blanga YAWEI.
12Olabat bin jadimap mi jis laik ola honet, bat deibin ol barnap kwikbala jis laik jigiwan gras weya barnap langa bush faiya. Garram det pawa blanga YAWEI aibin binijimap olabat.
13Deibin ranimap langa mi en deibin gulijap binijimap mi, bat YAWEI bin album mi.
14Oni YAWEI na oldei meigim mi jidan brabli strongbala. Oni im na ebrijing langa mi. Oni im na bin seibum mi.
15Irrim ola pipul blanga God jinginatbat gudbinjiwei insaid langa olabat tent dumaji deibin win. Det strongwan pawa blanga YAWEI det trubala God bin meigim olabat bidim olabat enami.
16Det strongwan pawa blanga YAWEI bin meigim wi win langa wo. Det strongwan pawa blanga YAWEI bin dum tharran.
17Ai kaan neba dai. Ai garra jidan laibala, en ai garra dalimbat wanim YAWEI bin dum.
18Imbin panishim mi brabliwei, bat im nomo bin larram mi dai.
19Opinim ola geit blanga det seikridwan haus blanga mi. Ai garra go en gibit theingks langa YAWEI.
20Dijan na det geit blanga YAWEI. Oni detlot pipul hu oldei dumbat ola raitwan ting lau gowin insaid.
21Mi preisim yu YAWEI dumaji yubin ensim mi, en yubin seibum mi.
22Det ston weya detlot kapinta bin tjakidawei, wal tharran bin det meinwan ston na.
23YAWEI na bin dum dijan. Im brabli gudwan orait.
24Dijan na det dei blanga YAWEI, en wi garra gudbinji brabliwei en abum bigwan padi.
25YAWEI, seibum melabat. Seibum melabat en meigim melabat win.
26YAWEI, jidan kainbala langa det king hu kaman langa yu neim. Melabat preisim yu brom det Serramoni Pleis blanga yu.
27YAWEI im na det trubalawan God, en imbin shainim im lait langa melabat. Garram ola bushis langa yumob bingga, yumob abum det hepiwan serramoni weya yumob wok raidaran langa det teibul blanga ofring.
28Yu na main God en ai garra gibit yu theingks, en ai garra kipgon tok blanga ebrijing yubin dum blanga meigim yu jidan mowa haibala.
29Gibit theingks langa YAWEI dumaji im na gudwan. Im filing blanga laigimbat pipul jidan olagijawan.


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!