12Ti Yiɛ̀ nKuyie mpɑ̃ɑ̃nɑ́ɑǹtì nɑ́ɑm̀bɛ̀ bɛmɔu kɛ̀ bɛ̀ ti nnɑ́ɑ́ nkɛ tú: Kɔtɛ Dɑmɔti ɛì dìì bo Kɑdɑɑdi tempɛ̃, ɑ yóó di nɑmu, ti Yiɛ̀ nKuyie nyóó di ɑ̃nnɛ́mu ɑ nɔu miɛkɛ.
13Mɛm̀mɛ bɛ̀ tɔ̃ nwè kòo bo yúní Misee kòo kɔtɛ kóò nɑ̀kɛ́ kɛ dɔ̀: Ti Yiɛ̀ nKuyie mpɑ̃ɑ̃nɑ́ɑǹtì nɑ́ɑm̀bɛ̀ bɛmɔu bɛ̀ wɛ̃ ndinùù ndi kɛ nɑ́ɑ́ ntìmɑtì mɑ́ɑ̀ okpɑ̀ɑ̀tì, ɑ tũnnɛ bɛ kpɛti kóò nɑ̀kɛ́ weè yóó nɑmɛ̀.
14Kɛ̀ Misee ò tɛ̃̀ńnɛ́ kɛ dɔ̀: Ti Yiɛ̀ nKuyie mbomu, kɛ̀ kù n nɑ̀kɛ́ tì n yóó ti mbɛ́i!
15Ò tùɔ̀kɛ dìì mɔ̀nnì okpɑ̀ɑ̀tì borɛ̀ kòo ò bekɛ kɛ dɔ̀: Misee, ń kɔtɛ kɛ́do Dɑmɔti ɛì dìì bo Kɑdɑɑdi tempɛ̃ mmudoòɑ̀, yɑ́ɑ̀ n yóu? Kòo dɔ̀: Kɔtɛ ɑ yóó bɛ̀ nɑmu, ti Yiɛ̀ nKuyie nyóó bɛ̀ ɑ̃nnɛ́mu ɑ nɔu miɛkɛ.
16Kòo kpɑ̀ɑ̀tìi ò nɑ̀kɛ́ kɛ dɔ̀: Nɛ̀ yíe ndɔkɛ ndɑ bɑ́ɑ́mmɛ̀ kɛ tú ɑ́ n nɑ́kɛ́ timɔ́mmɔnti ti Yiɛ̀ nKuyie ndɑ nɑ̀kɛ́ tì.
1 BƐKPÀÀTÌBƐ̀ 22
1 BƐKPÀÀTÌBƐ̀ 22:12-16