11ኣዪሲ ጎፔ፥ ፆሳ ማፃፋይ፥ « ‹ታኒ ጎዳይ ታ ዴዑዋን ጫቃይ፤ ኣሳይ ኡባይ ታ ሲንꬃን ጉልባታና። ቃሲ ታኒ ፆሳ ጊዲያዋ ኣሳይ ኡባይ ማርካታና› ያጋይ» ያጌ።
12ሲሚ ኑኒ ሁጲያን ሁጲያን ኑባ ፆሳው ኦዳና።
13ሄዋ ዲራው፥ ኑኒ ኢቱ ኢቱዋ ቦላ ፒርዲያዋ ሃዋፔ ሲንꬃው ኣኔ ኣጎይቴ። ሺን ኡባፔ ኣꬂዴ፥ ሂንቴ ኢሻ ꬉቢያባ ዎይ ናጋራን ኦሊያባ ኦꬄናዳን ቆፋ ቃቺቴ።
14ታኒ ጎዳ ዬሱሲ ኪሪስቶሳና ዴዒያዋን፥ ባሬ ሁጴው ቱና ጊዲያባይ ባይናዋ ኤራይኔ ኣኬካይ። ሺን ኢቲ ኡራይ ኢቲባ ቱና ጊዴ ቆፖፔ፥ ሄዌ ኣው ቱና ጊዴ።
15ኔኒ ሚያባ ዲራው፥ ኔ ኢሻ ቆሆፔ፥ ሲሚ ኔኒ ሲቁዋን ዴዓካ። ኪሪስቶሲ ኣ ዲራው ሃይቄዳ ኣሳ ኔ ሚያ ቁማን ባዪዞፓ።
16ሲሚ ኔኒ ሎዖባ ጊያዋ ኣሳይ ካꬎፖ።
17ኣዪሲ ጎፔ፥ ፆሳ ካዉቴꬃይ ጌሻ ኣያናይ ኢሚያ ፂሎቴꬃ፥ ሳሮቴꬃኔ ናሼቻ ጊዲያዋፔ ኣቲን፥ ሙሳኔ ኡሻ ጊዴና።
ሮሚያ 14
ሮሚያ 14:11-17