ሮሚያ 14:11-17 in Dawro

¹¹ ኣዪሲ ጎፔ፥ ፆሳ ማፃፋይ፥ « ‹ታኒ ጎዳይ ታ ዴዑዋን ጫቃይ፤ ኣሳይ ኡባይ ታ ሲንꬃን ጉልባታና። ቃሲ ታኒ ፆሳ ጊዲያዋ ኣሳይ ኡባይ ማርካታና› ያጋይ» ያጌ።

¹² ሲሚ ኑኒ ሁጲያን ሁጲያን ኑባ ፆሳው ኦዳና።

¹³ ሄዋ ዲራው፥ ኑኒ ኢቱ ኢቱዋ ቦላ ፒርዲያዋ ሃዋፔ ሲንꬃው ኣኔ ኣጎይቴ። ሺን ኡባፔ ኣꬂዴ፥ ሂንቴ ኢሻ ꬉቢያባ ዎይ ናጋራን ኦሊያባ ኦꬄናዳን ቆፋ ቃቺቴ።

¹⁴ ታኒ ጎዳ ዬሱሲ ኪሪስቶሳና ዴዒያዋን፥ ባሬ ሁጴው ቱና ጊዲያባይ ባይናዋ ኤራይኔ ኣኬካይ። ሺን ኢቲ ኡራይ ኢቲባ ቱና ጊዴ ቆፖፔ፥ ሄዌ ኣው ቱና ጊዴ።

¹⁵ ኔኒ ሚያባ ዲራው፥ ኔ ኢሻ ቆሆፔ፥ ሲሚ ኔኒ ሲቁዋን ዴዓካ። ኪሪስቶሲ ኣ ዲራው ሃይቄዳ ኣሳ ኔ ሚያ ቁማን ባዪዞፓ።

¹⁶ ሲሚ ኔኒ ሎዖባ ጊያዋ ኣሳይ ካꬎፖ።

¹⁷ ኣዪሲ ጎፔ፥ ፆሳ ካዉቴꬃይ ጌሻ ኣያናይ ኢሚያ ፂሎቴꬃ፥ ሳሮቴꬃኔ ናሼቻ ጊዲያዋፔ ኣቲን፥ ሙሳኔ ኡሻ ጊዴና።

¹¹ Ayissi gooppe, Xoossaa Maxaafay, “ ‘Taani Goday ta de7uwan caaqqay; asay ubbay ta sinthan gulbbatana. Qassi taani Xoossaa gidiyaawaa asay ubbay markkattana’ yaagay” yaagee.

¹² Simmi nuuni huuphiyan huuphiyan nubaa Xoossaw odana.

¹³ Hewaa diraw, nuuni ittu ittuwa bolla pirddiyaawaa hawaappe sinthaw ane aggoytte. Shin ubbaappe aathiide, hintte ishaa dhubbiyaabaa woy nagaraan oliyaabaa oothennaadan qofaa qachchite.

¹⁴ Taani Godaa Yesuusi Kiristtoosanna de7iyaawaan, bare huuphew tuna gidiyaabay baynnawaa eraynne akeekay. Shin itti uray ittibaa tuna giide qoppooppe, hewe aw tuna gidee.

¹⁵ Neeni miyaabaa diraw, ne ishaa qohooppe, simmi neeni siiquwan de7akka. Kiristtoosi A diraw hayqqeedda asaa ne miyaa qumaan bayizzoppa.

¹⁶ Simmi neeni lo77obaa giyaawaa asay kadhoppo.

¹⁷ Ayissi gooppe, Xoossaa kawutethay Geeshsha Ayyaanay immiyaa xillotethaa, sarotethaanne nashechchaa gidiyaawaappe attin, muussaanne ushshaa gidenna.