Loma: 14:11-17

¹¹Hande Baibolo bukana꞉ wape pa꞉la꞉eki dupa Tekehalima꞉ alota꞉ I̱ta꞉ da꞉ta halo ekina꞉ wanda꞉hali paeyaoma꞉ta꞉ tumiki yotuao I̱ pa꞉ta꞉ panda꞉ punialimikie. Kutupa wanda꞉hali paeyaoma꞉ I̱ pa꞉ta꞉ alota꞉ Neke ota꞉ Koda꞉ haleme laa lelimikie laa wape pa꞉la꞉me.

¹²Koto pa꞉la꞉ ekina꞉ niki paeyao niki homeke homekema꞉ nika꞉ poloma꞉ ekimanu Koda꞉ pa꞉ta꞉ ka꞉la꞉pa la halumeke.

¹³Koto ekina꞉ nika꞉ nika꞉ kone nika꞉ haloma꞉eki handaata꞉ hone na u hoeyaama꞉na꞉ pea꞉pa꞉peke aleo. Dia꞉me. Hone dupa wia꞉pa꞉peke aleo. Ika꞉ Ketiso yankeke hoke hauma꞉ hala꞉mba꞉liao mea lopaama꞉na꞉ hau ma꞉nda꞉ na pea꞉pa꞉peke.

¹⁴I̱ta꞉ Tekehali Yesu yaapo ta꞉ma꞉ni poloeki yalo hata꞉ hone ota꞉ dupa witolome. Aleta꞉ ma꞉nda꞉ homeke a꞉nda꞉ta꞉ ipika꞉ kone hone wia pa na hoeta꞉la꞉me. Hali ma꞉nda꞉ ipika꞉ honema꞉ta꞉ aleta꞉ ma꞉nda꞉ma꞉ I̱ hoeyaalieke hone wia hata꞉ kone pa meisa meisa pea pia꞉ka꞉na꞉ta꞉ kota꞉ mo hali ipika꞉ kone hoeyaalieke.

¹⁵Nakana꞉ma꞉ ne ma꞉nda꞉ nale ekima꞉ta꞉ naka꞉ Ketiso yankeke ma꞉nda꞉ hala꞉mba꞉liao mea lopaeka꞉na꞉ta꞉ kota꞉ nakana꞉ma꞉ ipiki pa꞉ta꞉ pukima꞉ homa꞉la꞉eki pitolo na piteleme. Ketisota꞉ mo hali pa꞉ta꞉ homeekepate kone nakana꞉ma꞉ ne ma꞉nda꞉ nale ekima꞉ mo hali na hoeyaena꞉ lapeke.

¹⁶Ikana꞉ma꞉ do ekita꞉ epekeekie laa aleme ekita꞉ mandane wanda꞉halima꞉ dia꞉me. Do ekita꞉ hokeekie laa pi na lena꞉ lapa꞉peke.

¹⁷Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.