RUUMIYA 14:11-17

¹¹Haali/ a’di ’kwarkunu mo ki: Me’d jin dika/ ki e mo tani a’di ta gwo jin ona Tap̱a mo, aris ’kup̱a’dup̱uni ’baar mo mini luŋ aha/ mo dhali arisa le’di ’baar mo mini c̱i ’twa/ maŋ goma Arumgimis mo be.

¹²Wakan ana ka ’deṯe/ ’deṯe/ mina mii c̱i is banaŋ gana/ mo ka ’deṯe/ ’deṯe/ ka Arumgimis mo.

¹³Dhali wakan dhalkina doḵ/e ki waḵa waḵ ka rem ’kup̱ mo. Hili yisa si’da/ mmogam gwo me’d ki sule/ sule/ mo mmokar to jin golo’da gol mo walla mmonona kan ki bway mo.

¹⁴Aha/ misha dhali lalu sho’k ki gwo e Tap̱a Yesus Ḵrisṯẖos ki toŋ kamu/ jin ga/u ki is piti yisa di’da. Hili a’di ta to jin ga/u gom macin tiya, uni kun kulum a’di ibwa ki a’di ta to jin ga/u mo be.

¹⁵Waḵka kam pini raḵu mo goma shwantom pini mo tani /e doḵ/e baṯẖi mo/en yisa. Dhalku/ ki dhal tonṯe/ jin shwana /e ki c̱i a’din ṯal ’deŋ kamu/ jin wun ma Ḵrisṯẖos sho’k mmo’ce’d mo.

¹⁶Wakan dhalku/ ki dhal to jin ’boro’d gom /e mo tani soru ki a’di ta tonthus mo.

¹⁷Haali/ Bampa/ ma Arumgimis diki ta ’pemen gwo gom tonṯe/ mo dhali tomp̱i mo ’te/. Hili gom mo ma ḵar/e mo dhali mo ma ḵu’th is mo dhali moŋ’kuny bwa e Shi/in Dheleladhelel mo be.