Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - عِسِرَيِلَ مَنفّيٍ ٢

عِسِرَيِلَ مَنفّيٍ ٢ 14

Help us?
Click on verse(s) to share them!
1يٍهٌوَ سَ شَ دِ يٌوَ سِ شَ مَنفّيَ حّ قِرِن ندٍ رَ عِسِرَيِلَ بْشِ مَ، يٌوَ سِ شَ دِ عَمَسِيَ نَشَ تِ مَنفّ رَ يُدَيَ.
2عَ حّ مْشْحّن نُن سُولِ نَن نُ عَ رَ، عَ تِ مَنفّ رَ تّمُي نَشّ. عَ نَشَ حّ مْشْحّن نُن سٌلٌمَنَانِ مَنفّيَ رَبَ دَرِ سَلَمُ. عَ نفَ نُ شِلِ نّ يٍهٌوَدِن، دَرِ سَلَمُكَ نَن نُ عَ رَ.
3عَ نَشَ عَلَتَلَ وَشْنقٍ رَبَ، كْنْ عَ مُ لُ عَلْ عَ بٍنبَ دَوُدَ. عَ بِرَ عَ بَبَ يٌوَ سِ شَ مِسَالِ نَن يَتِ قْشْ رَ.
4نَ بِرِن كُي، كُيٍ بَتُدٍيٍ نُ نَ فٍيَ يِرٍيٍ، مِشِيٍ مَن نُ سّرّشّيٍ نُن سُرَيِ بَمَ مّننِ.
5عَمَسِيَ شَ مَنفّيَ تٌ سّنبّ سْتْ، عَ نَشَ مِشِيٍ قَشَ، نَشٍيٍ عَ بَبَ قَشَ.
6كْنْ عَ مُ نٍيٍ شَ دِيٍ تَن قَشَ، عَلْ عَلَتَلَ عَ يَمَرِشِ كِ نَشّ تَوُرٍتَ مُنسَ كِتَابُي كُي عَ قَلَقٍ رَ، «عَ مُ لَنمَ بَبّ شَ قَشَ عَ شَ دِ شَ يُنُبِ شَ قٍ رَ. دِ قَن مُ لَنمَ عَ شَ قَشَ عَ بَبَ شَ يُنُبِ شَ قٍ رَ. كَنكَن لَن عَ شَ قَشَ عَ يّتّ كَن شَ يُنُبِ نَن شَ قٍ رَ.»
7عَمَسِيَ نَشَ عٍدٌنكَ مِشِ وُلُ قُ قَشَ قْشّ فُلُنبَ كُي، عَ سٍلَ تَا تٌنفٌ، عَ عَ شِلِ سَ يٌكَتِلِ. عَ شِلِمَ نَ كِ نّ هَن تٌ.
8عَمَسِيَ تٌ فّ مَرَ سِ قٍندٍ مِشِ فبّتّيٍ رَ، عَ نَشَ شّيرَيٍ شّي عِسِرَيِلَ مَنفّ يٍهُ شَ مَمَدِ يٍهٌوَ سَ مَ، يٍهٌوَشَسِ شَ دِ، عَ قَلَقٍ رَ، «قَ، وٌن شَ قَ فٍرٍ.»
9عِسِرَيِلَ مَنفّ يٍهٌوَ سَ نَشَ يُدَيَ مَنفّ عَمَسِيَ يَابِ يِ رَ، «لِبَن تُنبٍ دِ نَشَ شّيرَ شّي لِبَن سّدِرِ وُرِ شُنفبٍ مَ عَ قَلَقٍ رَ، ‹عِ شَ دِ فِنّ قِ ﭑ مَ دِ مَ.› نَ دَنفِ شَنبِ، لِبَن وُلَءِ سُبٍ ندٍ نَشَ تُنبٍ مَبٌرٌن.
10عِ بَرَ عٍدٌن بْنبْ عَ قَنيِ رَ، نَ بَرَ عَ نِيَ عِ شَ عِ يّتّ عِفبٌ. سّيوَ عِ شَ شُننَكٍلِ رَ، عِ شَ لُ عِ شْنيِ. عِ فبَلٌي قٍنقٍ عِ يّتّ بّ مُنقٍ رَ؟ عِ سْنتْمَ نّ، عِ نُن يُدَيَ رَ»
11كْنْ عَمَسِيَ مُ عَ تُلِ مَتِ عَ رَ. نَ كُي عِسِرَيِلَ مَنفّ يٍهٌوَ سَ نَشَ سِفَ عَ شِلِ مَ، عَ تَن نُن يُدَيَ مَنفّ عَمَسِيَ نَشَ عٍ بٌرٍ فٍرٍ بٍتِ سٍمٍسِ، يُدَيَ بْشِ مَ.
12عِسِرَيِلَ نَشَ يُدَيَ بْنبْ، عٍ قَ عٍ فِ عٍ سٌ عٍ شْنيِ.
13عِسِرَيِلَ مَنفّ يٍهٌوَ سَ نَشَ عَشَسِيَ شَ مَمَدِ عَمَسِيَ قِندِ عَ شَ فٍيلِمَنِ رَ بٍتِ سٍمٍسِ. عَ نَشَ قَ دَرِ سَلَمُ تّتّ رَبِرَ كٍلِقٍ عٍقِرَ مِ شَ نَادّ رَ هَن نَادّ نَشَن نَ تُنشُي مَ، نْنفْن يَ كّمّ نَانِ حْندْن.
14عَ نَشَ شّيمَ نُن فبٍتِ بِرِن تٌنفٌ نَشَن نُ نَ عَلَتَلَ شَ بَنشِ نُن مَنفّ شَ بَنشِ كُي. عَ نَشَ مِشِ ندٍيٍ قَن سُشُ، عَ فبِلٍن سَمَرِ.
15يٍهٌوَ سَ شَ تَرُشُي دْنشْي، عَ قٍ قَنيِ نَشٍيٍ رَبَ، نُن عَ شَ فٍرٍ عٍ نُن يُدَيَ مَنفّ عَمَسِيَ، نَ بِرِن سّبّشِ عِسِرَيِلَ مَنفّيٍ شَ تَرُشُي كُي.
16يٍهٌوَ سَ نَشَ لَاشِرَ، عٍ عَ رَفَتَ عِسِرَيِلَ مَنفّيٍ قّ مَ سَمَرِ. عَ شَ دِ يٍرٌبٌوَ مِ نَشَ تِ مَنفّ رَ عَ حْشْي رَ.
17عِسِرَيِلَ مَنفّ يٍهٌوَشَسِ شَ دِ يٍهٌوَ سَ تٌ قَشَ، يُدَيَ مَنفّ يٌوَ سِ شَ دِ عَمَسِيَ شَ مَنفّيَ شْن مَن نَشَ كُيَ حّ قُ نُن سُولِ.
18عَمَسِيَ شَ تَرُشُي دْنشْي، نَ سّبّشِ يُدَيَ مَنفّيٍ شَ تَرُشُي كُي.

19مِشِ ندٍيٍ نَشَ يَنقَنتٍيَ مَشِرِ عَ شُن مَ دَرِ سَلَمُ، عَ نَشَ عَ فِ، عَ سِفَ لَكِسِ. عٍ نَشَ بِرَ عَ قْشْ رَ لَكِسِ، عٍ سَ عَ قَشَ مّننِ.
20عٍ نَشَ عَ قُرٍ شَنِن سٌي قَرِ، عٍ سَ عَ رَفَتَ دَرِ سَلَمُ عَ بٍنبَيٍ قّ مَ دَوُدَ شَ تَا كُي.
21يُدَيَ حَمَ بِرِن نَشَ عَمَسِيَ شَ دِ عَسَرَيَ تِ مَنفّ رَ عَ بَبَ حْشْي رَ. عَ حّ قُ نُن سٍننِ نَن نُ عَ رَ.
22مَنفّ عَمَسِيَ شَ قَشّ دَنفِ شَنبِ، عَسَرَيَ نَشَ عٍلَتَ تَا تِ، عَ عَ سَ يُدَيَ شَ بْشِ شُن مَ.
23يٌوَ سِ شَ دِ عَمَسِيَ يُدَيَ مَنفّ، شَ مَنفّيَ حّ قُ نُن سُولِ ندٍ رَ، يٌوَ سِ شَ دِ يٍرٌبٌوَ مِ نَشَ تِ عِسِرَيِلَ مَنفّ رَ سَمَرِ. عَ مَنفّيَ حّ تٌنفٌ نَانِ نُن كٍرٍن نَبَ.
24عَ نَشَ قٍ رَبَ نَشَن مُ رَقَن عَلَ مَ، عَ مُ فبِلٍن نٍبَتِ شَ دِ يٍرٌبٌوَ مِ شَ يُنُبِ قْشْ رَ، عَ عِسِرَيِلَكَيٍ تِ نَشَن نَ.
25عَ نَشَ عَ نِيَ عِسِرَيِلَ نَانِنيِيٍ شَ فبِلٍن عَ رَ كٍلِقٍ لٍبٌ شَمَتَ كْولَ مَ، هَن عَرَبَ بَا دّ رَ يِرٍقَنيِ مَ، عَلْ عِسِرَيِلَ مَرِفِ عَلَتَلَ نُ بَرَ عَ مَسٍن كِ نَشّ عَمِتَيِ شَ دِ عَننَبِ يُنُسَ بّ، نَشَن قِندِ فَتِ شٍقٍرِكَ رَ.
26عَلَتَلَ نَشَ عِسِرَيِلَ شَ تْورّ شْرْشْي تٌ، عٍ رَكِسِمَ يٌ مُ نُ نَ،
27عَ نَشَ عٍ رَكِسِ يٌوَ سِ شَ دِ يٍرٌبٌوَ مِ سَابُي رَ. عَ مُ نُ وَ مَ عَ شْن عِسِرَيِلَ شِلِ شَ حْن دُنِحَ مَ.
28يٍرٌبٌوَ مِ شَ تَرُشُي دْنشْي، عَ قٍ قَنيِ نَشٍيٍ بِرِن نَبَ، نُن عَ شَ شُننَكٍلِ دَ مَسِ نُن شَمَتَ رَفبِلٍنقٍ رَ يُدَيَ مَ، نَ بِرِن سّبّشِ عِسِرَيِلَ مَنفّيٍ شَ تَرُشُي كُي.
29يٍرٌبٌوَ مِ نَشَ لَاشِرَ، عٍ عَ رَفَتَ عِسِرَيِلَ مَنفّ قّ مَ سَمَرِ. عَ شَ دِ سَكَرِ نَشَ تِ مَنفّ رَ عَ حْشْي رَ.