عَننَبِ سٌقٌنِ 2

1

2

3

¹«سِ يَافِتَرٍ، وٌ شَ وٌ يّتّ مَتٌ،

²بٍينُ وَشَتِ شَ كَمَلِ، بٍينُ عَلَتَلَ شَ شْنّ شَ وٌ لِ، بٍينُ عَلَتَلَ شَ لْشْي شْرْشْي شَ قَ وٌ مَ. نَ لْشْي دَنفِمَ نّ عَلْ مَالٍ لَفِ قٌيٍ نَشَن تُتُنمَ.

³وٌ تَن مِشِ مَفٌرٌشِ نَشٍيٍ نَ عِسِرَيِلَ، وٌ شَ عَلَتَلَ قٍن، وٌ شَ عَ شَ سّرِيّ رَبَتُ، وٌ شَ تِنشِنيِ، نُن يّتّ مَفٌرٍ قٍن. تّمُندٍ نَ كُي وٌ نْمَ نّ رَتَنفَدٍ عَلَتَلَ شَ شْنّ لْشْي مَ.»

⁴«فَسَ رَبّحِنمَ نّ، عَسِكَلْن كَنَ، عَسِدٌدِ كٍرِ حَمَ يَ شْرِ، عٍكِرٌن تَلَ.

⁵حَشَنكَتّ نَ وٌ بّ، وٌ تَن نَشٍيٍ سَبَتِشِ بَا دّ رَ، وٌ تَن نَشٍيٍ كٍلِشِ كِرّتِ. عَلَتَلَ بَرَ نَتّ تٌنفٌ وٌ شَ قٍ رَ، كَنَانكَ نَشٍيٍ نَ قِلِسِتَ بْشِ مَ، ﭑ وٌ شُن نَكَنَمَ نّ هَن مِشِ بِرِن حْن وٌ يِ.

⁶شُرُ سٍيٍ قَمَ نّ لُدٍ وٌ شَ بْشِ مَ، وٌ شْنيِ قِندِ فْورّ رَ شُرُ سٍ دّ مَدٌنيِيٍ بّ.

⁷نَ بْشِ قِندِ مَ يُدَيَكَ مِشِ دْنشْييٍ نَن فبٍ رَ، عٍ قَ عٍ شَ شُرُ سٍيٍ دّ مَدٌندٍ نَا. نُنمَرٍ تّمُي عٍ عٍ مَلَبُمَ نّ عَسِكَلْن شَ بَنشِيٍ كُي، بَرِ مَ عٍ مَرِفِ عَلَتَلَ قَمَ نّ عٍ مَلِدٍ، عَ عٍ شَ مِشِ سُشُشِيٍ رَفبِلٍن عٍ شْنيِ.»

⁸«ﭑ بَرَ مٌوَبَكَيٍ شَ كٌنبِيٍ مّ، عَمٌنِكَيٍ شَ وْيّن بّشُشِيٍ بَرَ ﭑ لِ. عٍ بَرَ ﭑ مَ حَمَ رَيَافِ، عٍ بَرَ دَنفِ نَانِنيِ رَ.»

⁹«ﭑ تَن عِسِرَيِلَ مَرِفِ عَلَتَلَ، شِلِ شُنفبٍ كَنيِ، ﭑ بَرَ ﭑ كَلِ مٌوَبَ لُمَ نّ عَلْ سٌدٌ مَ، عَمٌنِكَيٍ لُ عَلْ فٌمٌرَكَيٍ، عٍ شَ بْشِ كَنَ، حٌوفٍ حَاشِ نُن قْشّ لُ نَا.

¹⁰عٍ نَ سْتْمَ عٍ شَ يّتّ عِفبٌحَ نَن مَ. عٍ بَرَ عَلَتَلَ شِلِ شُنفبٍ كَنيِ شَ حَمَ رَيَافِ، عٍ بَرَ تٍ عَ شَ حَمَ شِلِ مَ.

¹¹عَلَتَلَ مَفَاشُ، عَ عٍ حَشَنكَتَمَ نّ عَ حَاشِ رَ. عَ كُيٍ بِرِن كَنَمَ نّ دُنِحَ مَ، سِ بِرِن قَ عَلَتَلَ بَتُ عٍ شْنيِ.»

¹²«وٌ تَن كُسِكَيٍ، وٌ قَن سْشْمَ نّ ﭑ مَ سَنتِدّفّمَ رَ.»

¹³«عَلَ عَ سّنبّ رَ مِنِمَ نّ كْولَ مَ، عَ قَ عَسِرِيَ سْنتْ. عَ نِنٍوٍ شُن نَكَنَمَ نّ، عَ نَ قِندِ فبٍنفبٍرٍن يِرٍ رَ.

¹⁴شُرُ سٍيٍ لُمَ نّ عٍ دّ مَدٌن نَ نَ تَا كُي، عَ نُن وُلَءِ سُبٍ مْولِ بِرِن. يُبّ نُن شُندِ كْي رَدَنفِمَ نّ نَ بَنشِ كَنَشِيٍ قَرِ. نَادّ نُن وُندّرِ بِرِن كَنَشِ، عٍ شَ وُرِ بَرَ بْرْ.

¹⁵يِ تَا شُنفبٍ نَشَن نُ لُمَ حّلّشِن نَ، نَشَن بْحّ نُ سَشِ، نَشَن نُ بَرَ عَ قَلَ عَ يّتّ بّ، ‹ﭑ كٍرٍن نَن تِدٍ فبٌ،› عَ شُن بَرَ رَكَنَ هَن عَ بَرَ قِندِ وُلَءِ سُبٍيٍ شْنيِ رَ. دَنفِ مِشِ بِرِن يٌمَ نّ عَ مَ سْنْن، عَ قِندِ دّءِ سِفِ رَ عٍ بّ.»