Чөл-баявандики сәпәр 1:1-18

¹Вә Исраиллар Мисирдин чиққандин кейин иккинчи жили иккинчи айниң биринчи күни Пәрвәрдигар Синай чөлидә, җамаәт чедирида туруп Мусаға мундақ деди: —

²Силәр пүткүл Исраил җамаитини қәбилиси, ата җәмәти бойичә санини елип чиқиңлар; адәмләрниң исми асас қилинип, барлиқ әркәкләр тизимлансун.

³Исраиллар ичидә умумән жигирмә яштин ашқан, җәңгә чиқалайдиғанларни Һарун билән иккиңлар уларниң қошун-қисмилири бойичә санақтин өткүзүңлар.

⁴Һәр бир қәбилидин силәргә ярдәмлишидиған бирдин киши болсун; уларниң һәр бири уларниң ата җәмәтиниң беши болиду.

⁵Төвәндикиләр силәргә ярдәмлишидиғанларниң исимлиғи: — Рубән қәбилисидин Шидөрниң оғли Әлизур;

⁶Шимеон қәбилисидин Зуришаддайниң оғли Шелумийәл;

⁷Йәһуда қәбилисидин Амминадабниң оғли Наһшон;

⁸Иссакар қәбилисидин Зуарниң оғли Нәтанәл;

⁹Зәбулун қәбилисидин Һелонниң оғли Елиаб;

¹⁰Йүсүп әвлатлири ичидә Әфраим қәбилисидин Аммиһудниң оғли Әлишама; Манассәһ қәбилисидин Пидаһзурниң оғли Гамалийәл;

¹¹Бинямин қәбилисидин Гидеониниң оғли Абидан;

¹²Дан қәбилисидин Аммишаддайниң оғли Аһиәзәр;

¹³Ашир қәбилисидин Окранниң оғли Пагийәл;

¹⁴Гад қәбилисидин Деуәлниң оғли Әлиасаф;

¹⁵Нафтали қәбилисидин Енанниң оғли Аһира».

¹⁶Булар җамаәт ичидин чақирилғанлар, йәни ата җәмәт-қәбилилириниң башлиқлири, миңлиған Исраилларниң баш сәрдарлири еди.

¹⁷Шуниң билән Муса билән Һарун исми аталған бу кишиләрни башлап,

¹⁸иккинчи айниң биринчи күни пүткүл җамаәтни жиғди; улар хәлиқниң һәр бириниң қәбилә-нәсәби, ата җәмәти бойичә исмини асас қилип, жигирмә яштин жуқуриларниң һәммисини бир-бирләп тизимлиди.