چۆل‭-‬باياۋاندىكى‭ ‬سەپەر 1:1-18

¹ۋە ئىسرائىللار مىسىردىن چىققاندىن كېيىن ئىككىنچى يىلى ئىككىنچى ئاينىڭ بىرىنچى كۈنى پەرۋەردىگار سىناي چۆلىدە، جامائەت چېدىرىدا تۇرۇپ مۇساغا مۇنداق دېدى‫‪:‬‬ —

²سىلەر پۈتكۈل ئىسرائىل جامائىتىنى قەبىلىسى، ئاتا جەمەتى بويىچە سانىنى ئېلىپ چىقىڭلار؛ ئادەملەرنىڭ ئىسمى ئاساس قىلىنىپ، بارلىق ئەركەكلەر تىزىملانسۇن.

³ئىسرائ‍ىللار ئىچىدە ئومۇمەن يىگىرمە ياشتىن ئاشقان، جەڭگە چىقالايدىغانلارنى ھارۇن بىلەن ئىككىڭلار ئۇلارنىڭ قوشۇن‫‪‎-‎‬‬قىسمىلىرى بويىچە ساناقتىن ئۆتكۈزۈڭلار.

⁴ھەربىر قەبىلىدىن سىلەرگە ياردەملىشىدىغان بىردىن كىشى بولسۇن؛ ئۇلارنىڭ ھەربىرى ئۇلارنىڭ ئاتا جەمەتىنىڭ بېشى بولىدۇ.

⁵تۆۋەندىكىلەر سىلەرگە ياردەملىشىدىغانلارنىڭ ئىسىملىكى‫‪:‬‬ — رۇبەن قەبىلىسىدىن شىدۆرنىڭ ئوغلى ئەلىزۇر؛

⁶شىمېئون قەبىلىسىدىن زۇرىشادداينىڭ ئوغلى شېلۇمىيەل؛

⁷يەھۇدا قەبىلىسىدىن ئاممىنادابنىڭ ئوغلى ناھشون؛

⁸ئىسساكار قەبىلىسىدىن زۇئارنىڭ ئوغلى نەتانەل؛

⁹زەبۇلۇن قەبىلىسىدىن ھېلوننىڭ ئوغلى ئېلىئاب؛

¹⁰يۈسۈپ ئەۋلادلىرى ئىچىدە ئەفرائىم قەبىلىسىدىن ئاممىھۇدنىڭ ئوغلى ئەلىشاما؛ ماناسسەھ قەبىلىسىدىن پىداھزۇرنىڭ ئوغلى گامالىيەل؛

¹¹بىنيامىن قەبىلىسىدىن گىدېئونىنىڭ ئوغلى ئابىدان؛

¹²دان قەبىلىسىدىن ئاممىشادداينىڭ ئوغلى ئاھىئەزەر؛

¹³ئاشىر قەبىلىسىدىن ئوكراننىڭ ئوغلى پاگىيەل؛

¹⁴گاد قەبىلىسىدىن دېئۇئەلنىڭ ئوغلى ئەلىئاساف؛

¹⁵نافتالى قەبىلىسىدىن ئېناننىڭ ئوغلى ئاھىرا».

¹⁶بۇلار جامائەت ئىچىدىن چاقىرىلغانلار، يەنى ئاتا جەمەت‫‪‎-‎‬‬قەبىلىلىرىنىڭ باشلىقلىرى، مىڭلىغان ئىسرائ‍ىللارنىڭ باش سەردارلىرى ئىدى.

¹⁷شۇنىڭ بىلەن مۇسا بىلەن ھارۇن ئىسمى ئاتالغان بۇ كىشىلەرنى باشلاپ،

¹⁸ئىككىنچى ئاينىڭ بىرىنچى كۈنى پۈتكۈل جامائەتنى يىغدى؛ ئۇلار خەلقنىڭ ھەربىرىنىڭ قەبىلە‫‪‎-‎‬‬نەسەبى، ئاتا جەمەتى بويىچە ئىسمىنى ئاساس قىلىپ، يىگىرمە ياشتىن يۇقىرىلارنىڭ ھەممىسىنى بىر‫‪‎-‎‬‬بىرلەپ تىزىملىدى.