Yatɛne 1:1-18

¹Alatala yi falan ti Musa xa Naralan Bubun kui, Sinayi tonbonni, kike firinden lɔxɔ singeni, e minin ɲɛɛ firindeni Misiran bɔxɔni. A yi a fala, a naxa,

²“Ɛ nun Haruna xa Isirayila yamaan birin tɛngɛ, ɛ xɛmɛne birin xinle sɛbɛ xabila yɛɛn nun denbaya yɛɛn ma.

³Ɛ xa Isirayila xɛmɛne birin tɛngɛ fata e ganle ra naxanye barin bata dangu ɲɛɛ mɔxɔɲɛn na, naxanye nɔɛ sofa wanla kɛ.

⁴Bɔnsɔn yo bɔnsɔn, xabila manga keden xa ɛ mali.”

⁵Na mali muxune xinle ni itoe ra: Keli Rubɛn bɔnsɔnni, Sedewuri a dii Elisuri.

⁶Keli Simeyɔn bɔnsɔnni, Surisadayi a dii Selumiyɛli.

⁷Keli Yuda bɔnsɔnni, Aminadabo a dii Naxason.

⁸Keli Isakari bɔnsɔnni, Suwari a dii Natanɛli.

⁹Keli Sabulon bɔnsɔnni, Xelɔn ma dii Eliyabi.

¹⁰Yusufu a diine bɔnsɔnne: Keli Efirami bɔnsɔnni, Amixudi a dii Elisama. Keli Manase bɔnsɔnni, Pedasuri a dii Gamaliyɛli.

¹¹Keli Bunyamin bɔnsɔnni, Gidewoni a dii Abidan.

¹²Keli Dan bɔnsɔnni, Amisadayi a dii Axiyeseri.

¹³Keli Aseri bɔnsɔnni, Okiran ma dii Pagiyɛli.

¹⁴Keli Gadi bɔnsɔnni, Dewuyɛli a dii Eliyasafi.

¹⁵Keli Nafatali bɔnsɔnni, Enan ma dii Axira.

¹⁶Bɔnsɔn mangani itoe nan yi xilixi yamaan yɛ. Ne yi findixi Isirayila gali kuntigine nan na.

¹⁷Musa nun Haruna yi muxuni itoe tongo naxanye xinle yɛbaxi.

¹⁸E yi yamaan birin malan kike firinden xii singen ma. Xɛmɛn naxanye birin barin bata yi dangu ɲɛɛ mɔxɔɲɛn na, e yi ne birin xinle sɛbɛ keden keden yɛ ma kɛdin ma, xabila yɛɛn nun denbaya yɛɛn ma,