Ʒare Biri 21:10-23

¹⁰Eme Israe ŋic jaŋe hata ʒuhuckerâ raku Oboti haeo teuŋ âterâ fombiŋ.

¹¹Erâ Oboti haeonec raku Ije‐Abarim hae mâreŋko teuŋ âterâ fombiŋ. Hae mâreŋ i Moabi mâreŋ ŋifecnao ʒoaŋ wewefunaopec ira fowec.

¹²Eme irecnec raku Ʒerede wâneŋko teuŋ âterâ fombiŋ.

¹³Erâ irecnec raku Aronoŋ opâ ocniŋucnao fisirâ mâreŋ burocnao teuŋ âterâ fombiŋ. Mâreŋ burocne izi ine raku Amori ŋic jaŋere mâreŋko mickekac. Aronoŋ opâzi ine Moabi â Amori ŋic jaŋere ŋondeŋko fohuc Moabi mâreŋte ma ekac.

¹⁴Irec hâcne Wofuŋte ʒika papiao dâŋ kecʒiŋuc mukicne: “Wahebe opâ ʒâŋe i Sufa mâreŋko fokac, erâ wâc Aronoŋ opâre wâneŋ.

¹⁵Â wâneŋ irec tiki ŋifec â ŋifec ŋeraku Ari hae mâreŋko tarakac, ehuc Moabi mâreŋ mao siŋkekac.”

¹⁶Eme ŋic jaŋe irecnec raku Bere opâ nombâŋko fisimbiŋ. Opâ nombâŋ irec Wofuŋzi Mose kecʒiŋuc âzâcnewec: “Go ŋic ŋokac hetumaŋ‐jopatec opâ gumec‐jopapemu.”

¹⁷Eme Israe ŋic jaŋe dameŋ ira gae kecʒiŋuc hembiŋ: “Opâ, go siwiŋnerâ nombâŋkonec wefuhaŋ gae ʒiŋuc hegareniŋ:

¹⁸Ŋicwofuŋ jaŋe opâ nombâŋ i rombiŋ, ŋic fekicne jaŋe gunu â ɋaruc‐jeŋiczi nombâŋ i qaandaŋkembiŋ.” Eme jaŋe mâreŋ burocne i beherâ raku Matana hae mâreŋko fisimbiŋ.

¹⁹Erâ irecnec raku Nahalie hae mâreŋko fisimbiŋ; erâ irecnec raku Bamoti hae mâreŋko fisimbiŋ.

²⁰Bamotionec fahare raku ine Moabi hae mâreŋko Pisiga tikitoŋko fisimbiŋ. Tikitoŋne i mâreŋ burocnao domahuc tâtâc ŋeme hone jumbieŋ.

²¹Eme Israe ŋic jaŋe Amori ŋicwofuŋ Sihoŋ erao kiŋaŋŋic ʒiŋuc muhuc sorec‐jopambiŋ:

²²“Mana‐nârehaŋ mâreŋ‐ŋeŋic fotâcnenaŋte muŋgopeneŋ. Nâŋe hata qâsorierâ giegaŋko me waiŋ gieo mi raʒinaŋmu, erâ opâ nombâŋ‐ŋeŋickonec opâ wâc mi nânâ mâc hata sâkooa rahuc mâreŋ‐ŋeŋic fotâcnenaŋmu.”

²³Sihoŋ eki ine Israe ŋic jaŋe mâreŋ‐ticne fotâcnezo mupie qatara‐jarewec. Ehuc momorifâc‐ticne hetumaŋ‐jopame Israe ŋic mâreŋ burocnao râsi ejare raku Jahazi haeo fisirâ Israe ŋic jopazo embiŋ.