7Amboac tonaŋ ôna ma ôniŋ nêm gêŋ totêmtac ŋajamgeŋ to ônôm nêm wain toŋalêlôm ŋajamgeŋ gebe Anôtô gêlôc gêdêŋ gêŋ, taŋ gôgôm naŋ sugac.
8Ôsô nêm ŋakwê kwalam-kwalam ŋapaŋ ma ôniŋ oso môkêmapac.
9Ôtu samuc ôwiŋ nêm awê, taŋ têmtac gawiŋ naŋ, êtôm nêm bêc samob, taŋ Anôtô kêkêŋ aôm gômoa oc ŋalabu naŋ. Bêc tonaŋ ŋai, taŋ ê su ŋaômageŋ naŋ, êtu gêŋ, taŋ gêjac aôm ŋawae naŋ, ma êtu nêm gôêm taôm su gômoa oc ŋalabu ŋagêjôŋa.
10Ônam kôm samob, taŋ êtôm aôm lêmam naŋ, ôtu dôbgeŋ gebe aŋga lamboam, taŋ aôm kopeŋ naŋ, aôm ônam kôm atom ma taêm ênam biŋ atom to ôjala biŋ atom ma ôtap kauc sa atom amboac tonaŋgeŋ.
11Aê galic gêŋ teŋ kêtiam aŋga oc ŋalabu gebe Lau embe sêniŋ kwaŋ-kwaninoc, go êsêac, taŋ sêlêti ŋajaŋa naŋ, têtu ŋamata atom. Lau ŋactêkwa sêku nêŋ ŋacjo tulu atom. Laumêtê têtap mo sa atom. Lau tokauc têtu lau tolêlôm atom. Lau lemeŋmêtêŋa têtu lau towae atom. Têm to gêŋwapac gêjam gôliŋ lau samob.
12Gebe ŋamalac gêjam kauc nê noc. Ŋamalac têtôm i, taŋ gêwê wasaŋ sec naŋ, ma têtôm moc, taŋ lip gêjac naŋ. Êndêŋ têm sec lakô oc ênac ŋamalac sep tageŋ.
