Yohanna U'1 2

1

2

3

4

5

¹Mri, mi si han kpi biyi ni yu'u du yina lahtre na. Uri ni ta lahtre ki hei ni di u kpa wo mbu ni wo timbu, wato yesu christy wa wu di riri wa ana latre na.

²Wa wu yi ni wur latre mbu laga ana'u mbu ni klembu na u gbugbu wawu.

³Kitoh di ki ye toh idan ki u tre ma.

⁴Indi wa atre di wawu toh Irji da na hu tre ma na a hi di wu che u jaji na hei ni suron ma na.

⁵Indi wa a grji trema jaji hei wu ni Irji. Na yi ki toh di ki hei tare ni wu.

⁶Indi wa a tre di wa wu hei ni. Irji ka zre na wawu a zre a.

⁷Mir ya, mina si han tre sisa ma ni yu'u na ahi cihe tre wa bi woh rimumal chiche tre a hi tre wa bi wo'a.

⁸Misi han tre sa ma ni yu'u wa a jaji ni mi kristi ni mi mbi me, don ibwu a zren ka si hi kpama. u kpan u jaji a si kpan

⁹Indi wa a tre di wawu hei ni mi kpan, da ni kran vayi ma ahei ni mi bwu, da si zre ni mi bwu har ni zizah.

¹⁰Indi wa a ni yiem vayi ma ahei ni mi kpan, ama kub zah na.

¹¹Naki, i wa a nikra vayi ma ahei ni mi bwu da si zre ni mi bwu a na ton bubu wa a si hi na; don ibwu a ka shishi ma.

¹²Mi si han ni yu'u mri, ba wur lahtre mbi hie ni yu'u ni tu de ma.

¹³Mi si han ni yu'u bati dan bi yi bi toh wa ahei rji ni mumla, Mi si han ni yu'u mri ze don bi zan gbe ngbenlen ibrji, mi han ni yu'u mri don bi toh ti'a.

¹⁴Mi riga nan ni yuwu ba ti don bi toh ndia rji ni mumla, Mi riga han ni yu'u mrize don bi hei ni gbengbenlen, u tre Irji a hei ni yi, na ki bi zan gbengbenlen bi me me dri.

¹⁵Na kpayiem ni kpi gbugbulu na, ni kpi bi wa ba hei ni mi gbugbulu 'a indi wa a ni son gbugbulu, i son 'u Irji na ni 'u na.

¹⁶Du ikpi bi wa ba hei ni mi gbugbulu, ba bi nma kpa ba vo shishi, ni bi kpa di tsri, nu zu tu ba na rji ni ti na ba rji ni gbugbulu.

¹⁷Gbugbulun ni kpi bi wa a ni son ba si kle, indi wa a si ti du ni tre rji a ni son seisei nisei.

¹⁸Imir itoh a ye 'u kle, na wa bi woh bi kran kristi ba si ye zizan gbugbu'u ba ye. Na ki bi ka toh di itoh ye kle.

¹⁹Ba ryu ni mi mbu iki tsro di ba na hei ni ta na. Bana hei ni ta ba na san ni ta, da ba ni kpaba a tsro di bana hei ni ta na.

²⁰Bi hei ni anointing u rji ni tsa tsra ka bi toh wa wu bi.

²¹Mi na han ni yuu di bina toh jaji na naki bi toh'o, iche na hei ni mi jaji na.

²²A hi gha hi ndi u'iche, a hi ndi wa ana kpayiem ni yesu da kristi na ndi ki ma hi wa ba kran yesu, wa ana toh ti'a mba ver a na.

²³Indi wa ana yeini ni vre'a na a nato ti'a na. Indi wa a buh yun ma da kpa vre'a hei ni ti'a game.

²⁴Naki iwu du kpi wa'u woh rji ni mumla krie ni'u inde kpi wa u woh rji ni mumla ahei ni wu, in u' wu hei ni vre ba tima game.

²⁵Wa yi hi ikpie wa a chu yun ni ta wu ire u tutru.

²⁶Me han kpi bi yi yiwu du bari gru ye yi you ni nkon meme ma na.

²⁷Naki u' ikpie wa'u kpa ni wu ahei ni wu, wuna si wa indio du ye tsro u na du Ruhu ma wa wu kpa tsro kpe ba wawu wa ba jaji bana che na, ni yada a tsro u son ni'u na ki me.

²⁸Zizan mri son naki chachu wa aye ki hei ni gbengbenlen, ana shan ni tita niye ma na.

²⁹Inde wu toh da a hei ni kiklan suron, u ka toh di indi wa ani ti kpe wa a zizi ba grji di ki ma ni'u.