Ioanej I 2

1

2

3

4

5

¹JAMA ko, mepukat i intin won komail, pwe komail de wia dip, a ma amen wia dip, jauaja patail mia ren Jam, Iejuj Krijtuj, me pun.

²Iei me tom en dip atail, a kaidin atail ta, pwe pil en toun jappa karoj.

³I me kitail dedeki, me kitail ajaer i, ma kitail kapwaiada kujoned akan.

⁴Me inda: I aja i, ap jota kapwaiada a kujoned akan, i me likam amen, melel jota mi re a.

⁵A me kapwaiada a majan, i me limpok en Kot unjokelar re a, i me kitail ajaki, me kitail udan japwilim a.

⁶Me kin inda: I potopot re a, mak eta, i en weweid wei dueta a kotin weweidier.

⁷Kompok kan, kaidin kujoned kap eu, me i intin won komail, a kujoned en maj o, me mi re omail jan ni tapi o. Kujoned en maj, iei majan o, me komail roner.

⁸Pil eu kujoned kap, me i intin won komail, me melel re a o re omail, pwe rotorot mur tikitikla, a marain melel ap dakadar.

⁹Me inda, me a mi ni marain, ap kailon kin ri a, nan a mimieta ni rotorot lel met.

¹⁰Me kin pok on ri a, pan mimieta ni marain, ap jolar men kamakar mi re a.

¹¹A me kin tataki ri a, mier ni rotorot, o weweid ni rotorot, ap kin jaja, waja a kin ko on ia, pwe rotorot karotonala maj a kan.

¹²I intin won komail, jama ko, pwe dip omail lapwadar ki mar a.

¹³I intin won komail, jam akan, pwe komail aja i, me kotikot eta jan ni tapi o. I intin won komail manakap akan, pwe komail kaloedier me jued o. I intin won komail er, jama ko, pwe komail ajaer Jam.

¹⁴I intin won komail er, jam akan, pwe komail aja i, me kotikot jan ni tapi o. I intin won komail er, manakap akan, pwe komail me kelail, o majan en Kot en mimieta re omail, o komail kaloedier me jued o.

¹⁵Der pok on jappa, de dipijou mimi jappa. Ma amen pok on jappa, limpok en Jam me jota mi re a.

¹⁶Pwe meakaroj mi jappa, inon en ni uduk, o inon en ni maj oko, o linan mal en maur, a jota tapida jan ren Jam, a jan ni jappa.

¹⁷A jappa pan jorola o a me jued akan, a me wia kupur en Kot, pan mimieta kokolata.

¹⁸Jama ko, metet imwin auer o, o duen omail roner, me krijtuj likam pan pwarado, nan anjau wet krijtuj likam me toto, me pwaradar, i me kitail ajaki, met imwin auer leler.

¹⁹Irail me kola jan kitail, a kaidin kij atail, pwe ma irail kij atail, re pan mimieta re atail. A irail kola jan kitail, pwen janjal, me kaidin irail karoj kij atail.

²⁰A komail keidier ren me jaraui, o komail ajaer meakaroj.

²¹I jota intin won komail er, dene jota aja duen melel, a pwe komail aja, o likam jo tapida jan ni melel.

²²Ij me likam amen? Kaidin i, me kamamada me Iejuj udan Krijtuj. I me krijtuj likam, me kamama kida Jam o Na.

²³Amen amen, me kamam kida Na, nan Jam pil jota mi re a, a me ponaja Na, i me pil japwilim en Jam.

²⁴Me komail roner jan ni tapi o, en potopoteta re omail. Ma a pan mimi re omail, me komail roner jan ni tapi o, komail ap pil pan potopot ren Na o Jam.

²⁵A iet inau o, me a kotin inauki on kitail er: Maur joutuk.

²⁶Mepukat me i intin won komail er duen irail, me kajapune komail.

²⁷A omail kei, me komail aleer re a, pan mimieta re omail. Komail ap jolar mau on, amen en padaki on komail. A duen kei wet kin padaki on komail meakaroj, iduen me melel, a kaidin likam pot, o duen a padaki on komail er, iduen komail en dadaurata.

²⁸Ari jama ko, podidi on i, pwe ni a pan kotin pwarado, kitail en aima, a jo namenok mo a, ni a kotin pwarado.

²⁹Ma komail aja, me i me pun, komail en pil aja, meamen, me wia me pun, me ipwi jan i er.