Yesu Tɔ̃rɛ̀ 15:8-17

⁸Kuyie nkùù yɛ̃́ bɛnìtìbɛ̀ bɛmɔu yɛ̀mmɛ̀ kɛ̀ kù bɛ̀ duɔ́ Muyɑɑ́nsɑ̀ɑ̀mù kù ti duɔ́ mmù, kɛ bɛnkɛ kù bɛ̀ cɔutɛ́mɛ̀.

⁹Mɛcɑ̃́nnímɛ̀ mɑmɛ̀ í bo tínti nɛ̀ bɛ ti cuokɛ̀, bɛ yie ndìì mɔ̀nnì Yesu kɛ̀ Kuyie nhũtɛ́ bɛ yɛi.

¹⁰Dɛ̀ dòmmɛ kɛ̀ di dɔ́ kɛ́yíi nKuyie mmiɛkɛ kɛ́toú mbɛ̀ɛ̀ yie nYesu ditɔu tínti nɛ̀ ti yɛmbɛ̀ ti í nɑ kɛ tɔ dì.

¹¹Di í yɛ̃́ kɛ dò nnɛ̀ ti Yiɛ̀ nYesu kó mɛsɑ̀ɑ̀ mmɛ timɔu ti cootɛ́mɛ̀ tínti nɛ̀ bɛɑ̀ɑ̀?

¹²Kɛ̀ bɛnìtìbɛ̀ dɔ̀ yúóó, Bɑnnɑbɑɑsi nɛ̀ Pɔɔri kɛ̀ bɛ̀ɛ bɛ̀ nɑ̀kɛ́ Kuyie ndɔ̀ɔ̀ tìì diɛtì bɛ̀ɛ̀ í tú Sifubɛ bɛ cuokɛ̀.

¹³Bɛ̀ nɑ̀kɛ́ dìì mɔ̀nnì kɛ dèè kɛ̀ Isɑku dɔ̀: N kɔbɛ kémmúnɛ̀!

¹⁴Simɔɔ nɑ̀kɛ́mu Kuyie ndɑ̀ɑ̀tɛnímɛ̀ bɛ̀ɛ̀ í tú Sifubɛ bɛ kpɛ́í nkɛ tɑ̃nkíí ku kɔbɛ.

¹⁵Kuyie mpɑ̃ɑ̃nɑ́ɑǹtì nɑ́ɑm̀bɛ̀ do nɑ̀kɛ́ tì dɛ̀ wɛ̃ḿmu tiì tú:

¹⁶M bo wɛ̃tɛní kɛ́mɑɑ́ Dɑfiti cĩ́ɛ̃̀tɛ̀, kɛ́yíi nho dobuò.

¹⁷Kɛ̀ bɛnìtìbɛ̀ bɛmɔu nɛ̀ bɛ̀ɛ̀ í tú Sifubɛ n yu bɛ̀ kɛ̀ bɛ̀ bo n tú n kɔbɛ kɛ̀ bɛ̀ɛ wɑmmú Kuyie.