YƐSÃÃ 92:4-12

⁴kɛ mbie ntikùtìdùùtì nɛ̀ tibómbonti, kɛ bie ndɛbémbénnɛ̀ tɛrɛ̀ iwɛ̃ĩ kpɛrɛ.

⁵N Yiɛ̀ nKuyie nhɑ pĩ́ mmùù tɔ̃mmú diwɛ̀ì mu nni bonɛ̀, ɑ dɔɔri dɛ̀ dɛɛ̀ n nɑɑti kɛ̀ n yìú.

⁶N Yiɛ̀ nKuyie nhɑ tɔ̃mmú dɛumu, kɑ̀ɑ yɛntotí cũmpúrì.

⁷Kuyɛìnkù bɑ́ɑ́ nɑ kɛ́ dɛ̀ bɑntɛ́, kudìɛ̀nkù bɑ́ɑ́ nɑ kɛ́ dɛ̀ yĩ̀ɛ̃́tɛ́.

⁸Bɛyɛibɛ ɔ̃ nkótírí timútì kɔ̃mɛ mmɛ, kɛ̀ mɛyɛi ndɔɔ̀rìbɛ̀ bitírí, kɛ̀ mukṹṹ nsɑ̃́ɑ̃̀ nɛ́ bɛ̀ bɑ̀ɑ kumɑ̀nku.

⁹N Yiɛ̀ nKuyie fɔ̃́ mmɛ mbo kɛĩ́nkɛ̀ nkɛ sɑ̃́ɑ̃̀.

¹⁰Ti Yiɛ̀ nKuyie ntɛ ɑ dootitɔbɛ̀ kɛ kɔ̃, mɛyɛi ndɔɔ̀rìbɛ̀ bɛmɔu cíɛ́rìmu.

¹¹Fɔ̃́ɔ̃̀ n duɔ́ mmupɑɑnɑ̀ɑ̀wɛ̃rímú, kɛ n wɑɑrɛ mɛkɔpɑ̀mmɛ̀.

¹²N wúómmu n dootitɔbɛ̀ dɔɔri dɛ̀ bɑ́ n yí yĩɛ̃̀kù, kɛ yo bɛ̀ɛ̀ n dɔ́nɛ̀ mɛyɛi bɛ kó ihúu kɛ̀ dɛ̀ í n kɔɔ́nnɛ̀.