Sam 92:4-12

⁴Murde aelalz-ngrme drtwrnge da kxetuting kcng tqwz-ngrn. X nangrbo mz nzabrtzngr mz da lcng tqaleq.

⁵Yawe, nzwz-krmqng matq-esz'ngr, X nqmq nr drtwrm vzo zlwz la.

⁶Kxnzglqpx-lzbqng nzngqngung X nardr mqngi mz nztatrkr nzalvztr-krmqng mz nardr.

⁷Leplz kxdrka'-ngrng nzetu-krdr Nzapulr nabztqkr betepu kc tqwou mzli kx mrbcnepwz. X da kxtrka kcng tzalelr nradr trnayc-zvzu, A' nzodati-krdr tqvzpe tqvzpe.

⁸Krlc tqmu-ngrde lc, Murde nim kx rmyalz zvz.

⁹Yawe, obq ena! Murde enqmi rmqng sa nabzng Mz nzaovxio-krm kxdrka'-ngrng amrlx.

¹⁰A' ninge kx xplr zlwz, Mz nzrka-krme bange zmatq ngrm.

¹¹Mcpex nzaovxio-krm kxnzmnc-kapqng mz nznibq-krdr ninge. X xlrpex nzyrnikr kxdrka'-ngrng lcng mz nzaetq-ngrbz drtqdr.

¹²Leplz kxnztubqng kcng tztung ma nyz Yawe, X nzyrlwr-lxblrng mz makoa nyzde nzapulr nounc kxetung. X nzmnc-zpwxng x nzxplrng Murde dzbrdr nzvzong mz drtc' kc tqngi natqde.