YƐSÃÃ 92:1-11

¹Bɛ̀ dìè nfɛ̀ɛ̀ yɛ̀nfɛ̀ tɛom̀pùtɛ̀ yiè.

²Dɛ̀ wennimu ti bo nsɑ̃ntímɛ̀ ti Yiɛ̀ nKuyie, kɛ diè nkɛ dɛ́úkùnko ku yètìrì kuù bɑkɛ́ kɛĩ́nkɛ̀ nɛ̀ kɛtenkɛ̀.

³Dɛ̀ wennimu ti bo nnɑ́ɑ́mmɛ̀ ku kó mɛsɑ̀ɑ̀ nkpɛ́í dikṹnweńnì mɔ̀nnì, kɛ̀ dɛ̀ bììtɛ tí mpĩɛ̃kù kù dɔ̀ɔ̀rimɛ̀ kù bɛ́i ntì,

⁴kɛ mbie ntikùtìdùùtì nɛ̀ tibómbonti, kɛ bie ndɛbémbénnɛ̀ tɛrɛ̀ iwɛ̃ĩ kpɛrɛ.

⁵N Yiɛ̀ nKuyie nhɑ pĩ́ mmùù tɔ̃mmú diwɛ̀ì mu nni bonɛ̀, ɑ dɔɔri dɛ̀ dɛɛ̀ n nɑɑti kɛ̀ n yìú.

⁶N Yiɛ̀ nKuyie nhɑ tɔ̃mmú dɛumu, kɑ̀ɑ yɛntotí cũmpúrì.

⁷Kuyɛìnkù bɑ́ɑ́ nɑ kɛ́ dɛ̀ bɑntɛ́, kudìɛ̀nkù bɑ́ɑ́ nɑ kɛ́ dɛ̀ yĩ̀ɛ̃́tɛ́.

⁸Bɛyɛibɛ ɔ̃ nkótírí timútì kɔ̃mɛ mmɛ, kɛ̀ mɛyɛi ndɔɔ̀rìbɛ̀ bitírí, kɛ̀ mukṹṹ nsɑ̃́ɑ̃̀ nɛ́ bɛ̀ bɑ̀ɑ kumɑ̀nku.

⁹N Yiɛ̀ nKuyie fɔ̃́ mmɛ mbo kɛĩ́nkɛ̀ nkɛ sɑ̃́ɑ̃̀.

¹⁰Ti Yiɛ̀ nKuyie ntɛ ɑ dootitɔbɛ̀ kɛ kɔ̃, mɛyɛi ndɔɔ̀rìbɛ̀ bɛmɔu cíɛ́rìmu.

¹¹Fɔ̃́ɔ̃̀ n duɔ́ mmupɑɑnɑ̀ɑ̀wɛ̃rímú, kɛ n wɑɑrɛ mɛkɔpɑ̀mmɛ̀.