Salmo 92:1-11

¹Nengazen he Utew Lavew he Megbevayà, meupiya is kebpeselemati kenikew wey is kegkanta te menge idalig kenikew.

²Maandew wey mezukilem meupiya is kebpeheyaǥa te ǥaǥew nu,

³he ebpezumahan te kedtukari te menge instrumintu he zuen dan menge kuwirdas.

⁴Su midlipey a kenikew, Nengazen, pinaaǥi te egkein-inuwan he menge vaal nu. Tenged te mibpemeelan nu, egkanta a te kegkelipey ku.

⁵Utew egkein-inuwi is mibpemeelan nu, Nengazen! Kenè dey egketegkad is isip nu.

⁶Kenà egkesavut te menge tulebung wey menge taleng

⁷he minsan iring te nenuvù he menge sagbet is ked-uswag te kebpekesavuk te menge lalung, edezeetan gihapun sikandan te wazà pidtemanan.

⁸Piru sikew, Nengazen, lavew ka te langun te wazè din pidtemanan.

⁹Kenà duwazuwa he ebpekedsusuwey is lalung he menge kuntada nu ne ebpemematey sikandan.

¹⁰Mibeǥayan a kenikew te zesen he iring te zesen te tudu he vaka, wey mibeǥayan a kenikew te kelipey.

¹¹Nezineg ku wey neehè ku mismu is kepildiyan te lalung he menge kuntada ku.