YƐSÃÃ 83:8-17

⁸Kebɑdiibɛ nɛ̀ Amɔdiibɛ nɛ̀ Amɑdesiibɛ, Fidisitɛ̃ɛ̃bɛ nɛ̀ Tiiri ɛì kɔbɛ.

⁹Bɑ́ Asidii kɔbɛ bɛ̀ wɛ̃nnɛ́mu, bɛ̀ dɔ́ kɛ́teennɛ̀ Dɔti yɑɑ̀bí nyi.

¹⁰Dɔɔ̀ bɛ ɑ do dɔ̀ɔ̀mɛ̀ Mɑndiyɑ̃ɑ̃ ɛì kɔbɛ, Sisedɑɑ nɛ̀ Yɑbinni ɑ bɛ̀ dɔ̀ɔ̀mɛ̀ kukó nKisɔ̃ɔ̃.

¹¹Adɔdi bintɛ bɛ̀ do dɛ nku bɛmɔu, kɛ́nɑɑ́ ntikùtì kɛtenkɛ̀.

¹²Bɛ kó sikpɑ̀ɑ̀tìbìí dɔɔ̀ si ɑ do dɔ̀ɔ̀mɛ̀ Odɛbu nɛ̀ Sebu, kɛ̀ bɛ kó bɛkpɑ̀ɑ̀tìbɛ̀ kpɛrɛ ndònnɛ̀ Sebɑ nɛ̀ Sɑdimmunɑ bɛ kpɛrɛ do dòmmɛ̀.

¹³Bɛmbɛ bɛ̀ɛ̀ nɑ̀ɑ́ nkɛ tú: Tí fietɛnɛ̀ Kuyie nkó kɛtenkɛ̀ kɛ́tiekɛ,

¹⁴Kuyie n tũ nkù, ɑ yóu kɛ̀ tɛfɔ̀dɔ́ntɛ̀ɛ bɛ̀ tùótɛ́, kuyɑɑkùu bɛ̀ tɔ tifɔ̃kpɛ̃ti tɛ̃mɛ̀.

¹⁵Cɔ́útɛ́ bɛ muhɑ̃ɑ̃́ nhɔ̃ɔ̃ cɔ́útɛ́ mɛ̀ɛ̀ botí kutúúkù, dɛ́útóo bɛ fɛhɑ̃ɑ̃dɛɛ̀nfɛ̀ ɔ̃ɔ̃ dɛ́útóomɛ̀ ditɑ̃rì.

¹⁶Bɛti bɛ nɛ̀ kuyɑɑkù nɛ̀ fɛtɑɑfɛ̀, donnɛ́ bɛ kɔ̃m̀bùɔ̀tì nɛ̀ kuyɑɑkperíkù.

¹⁷Ãnnɛ́ bɛ ifɛi, kɛ̀ dɛ̀ɛ yie nkɛ̀ bɛ̀ dɑ wɑmmú fɔ̃́ nti Yiɛ̀ nKuyie.