YƐSÃÃ 83:3-12

³A dootitɔbɛ̀ bɛɛ̀ burì, ɑ níim̀bɛ̀ bɛɛ̀ bɑɑti ɑ kpɛ́í.

⁴Bɛ̀ dɑ̀kiimu ɑ nìtìbɛ̀ kpɛ́í, bɛ̀ wɑnti kɛ́do ɑ kɔbɛ ɑ kɑ̃nkɛ́ bɛ̀mbɛ mudoò.

⁵Bɛ̀ nɑ̀ɑ́mmu kɛ tú: tí kɔtɛnɛ̀ kɛ́kuɔ bɛ kó kuwuɔ nkumɔu, kɛ̀ Isidɑyɛɛribɛ kó diyètìrìi kpɑ́nnɛ́.

⁶Bɛ̀ dɑ̀kɛmu kɛ wɛ̃nnɛ́ dinùù, bɛ̀ dɔ̀ɔ̀nɛ̀ bɛtɔbɛ̀ mɛtɑummɛ̀ kɛ bo dokɛ́nɛ̀ fɔ̃́ nwe.

⁷Edomiibɛ nɛ̀ Isimɑyɛɛribɛ, Mɔɑbiibɛ nɛ̀ Akɑdiibɛ.

⁸Kebɑdiibɛ nɛ̀ Amɔdiibɛ nɛ̀ Amɑdesiibɛ, Fidisitɛ̃ɛ̃bɛ nɛ̀ Tiiri ɛì kɔbɛ.

⁹Bɑ́ Asidii kɔbɛ bɛ̀ wɛ̃nnɛ́mu, bɛ̀ dɔ́ kɛ́teennɛ̀ Dɔti yɑɑ̀bí nyi.

¹⁰Dɔɔ̀ bɛ ɑ do dɔ̀ɔ̀mɛ̀ Mɑndiyɑ̃ɑ̃ ɛì kɔbɛ, Sisedɑɑ nɛ̀ Yɑbinni ɑ bɛ̀ dɔ̀ɔ̀mɛ̀ kukó nKisɔ̃ɔ̃.

¹¹Adɔdi bintɛ bɛ̀ do dɛ nku bɛmɔu, kɛ́nɑɑ́ ntikùtì kɛtenkɛ̀.

¹²Bɛ kó sikpɑ̀ɑ̀tìbìí dɔɔ̀ si ɑ do dɔ̀ɔ̀mɛ̀ Odɛbu nɛ̀ Sebu, kɛ̀ bɛ kó bɛkpɑ̀ɑ̀tìbɛ̀ kpɛrɛ ndònnɛ̀ Sebɑ nɛ̀ Sɑdimmunɑ bɛ kpɛrɛ do dòmmɛ̀.