YƐSÃÃ 36:6-12

⁶Ti Yiɛ̀ nKuyie nhɑ sɑ̀ɑ̀ mmɑ̀nnɛ̀ tiwɛtì nti, ɑ dɔɔrimu ɑ bɛ́i ntì kɛ̀ dɛ̀ feí tiwɛtì kɔ̃mɛ.

⁷A wetí kɛ̀ dɛ̀ dɛumu kɛ mɑ̀nnɛ̀ ɑ tɑ̃rɛ̀, kɑ̀ɑ beéntì cũmpúrì difɔ̃̀tìrì kɔ̃mɛ. Kuyie nkuù teénnɛ̀ bɛnìtìbɛ̀ nɛ̀ tikpɑsĩ̀ntì.

⁸Kuyie nhɑ sɑ̀ɑ̀ nwenni mɛdiɛ̀ mmɛ. Bɛnìtìbɛ̀ dìɛ́kɛ́ ɑ fiɛti dɛ́ɛ̀ mmɛ.

⁹Bɛ̀ yo nhɑ cĩ́ɛ̃̀tɛ̀ sɑ̀ɑ̀ mmɛ̀ kɛ sɑ̀nnɛ̀, kɑ̀ɑ bɛ̀ nììnko ɑ sɑ̀ɑ̀ nkó kukó.

¹⁰Fɔ̃́ɔ̃̀ tu mufòmmu kũ̀nnì, fɔ̃́ɔ̃̀ ti duɔ̀ nkuwenniku.

¹¹A sɑ̀ɑ̀ nní mbonɛ̀ bɛ̀ɛ̀ dɑ yɛ̃́, kɑ̀ɑ nkómmú bɛ̀ɛ̀ yɛ̀mmɛ̀ wenni.

¹²Bɑ́ɑ́ yie nkɛ̀ tɛpɔ̀tɛ̀ yiɛ̀ nni nnintɛ, bɑ́ɑ́ yóu kòo yɛiwe nni mbɛti.