YƐSÃÃ 36:4-8

⁴Ò mɔ̀kɛ siyɑ́ɑ̀bìsí nsi kɛ soú, ò í dɔ́ kɛ́bɑntɛ́ mɛsɑ̀ɑ̀ ntúmɛ̀.

⁵Kòò duɔ́ wè ntotí o yɛ̀mmɛ̀ mɛyɛi nkpɛti mɑ́ɑ̀, kɛ tũ nkucɛ yɛiku, ò í yóu mɛyɛi.

⁶Ti Yiɛ̀ nKuyie nhɑ sɑ̀ɑ̀ mmɑ̀nnɛ̀ tiwɛtì nti, ɑ dɔɔrimu ɑ bɛ́i ntì kɛ̀ dɛ̀ feí tiwɛtì kɔ̃mɛ.

⁷A wetí kɛ̀ dɛ̀ dɛumu kɛ mɑ̀nnɛ̀ ɑ tɑ̃rɛ̀, kɑ̀ɑ beéntì cũmpúrì difɔ̃̀tìrì kɔ̃mɛ. Kuyie nkuù teénnɛ̀ bɛnìtìbɛ̀ nɛ̀ tikpɑsĩ̀ntì.

⁸Kuyie nhɑ sɑ̀ɑ̀ nwenni mɛdiɛ̀ mmɛ. Bɛnìtìbɛ̀ dìɛ́kɛ́ ɑ fiɛti dɛ́ɛ̀ mmɛ.