Tayusima 28

1

4

6

7

8

9

10

12

13

18

19

24

25

26

28

30

31

32

33

34

¹Móysissha Israelchichee tputs, Siy zurampatartaya Apanllee chinakus, kamachtamarineetstam tuminkinaareesa, yuwaa áti anoo k'kuz payukinaareesa, Apanllsha waana ichingaroo tsapuranas kasiru siyaam wayachiya.

²Ambinaariya ashkachus, Apanll waana siyaam kapung istachintsa; taarashish wanasirimish siyaamsha zanganchiya. Siysa kis taatssa.

³Ichingarus wanasir yaktash taatssa. Mzarshitamtis wanasirinand tatsumaris kanungchiya.

⁴Ipartamtis ichingarus pzapaneeyarus, wanasirinand taatssa. Chinitamtis wakararis, opeejaritamtis pzapanintantssa. Yuw maachi chinis chinukis an zapan pzapanichinllinaya.

⁵Tirikuritamtis nda siyaam katungamaam pishtachiya. Uru katungats tatsamooru kapung siyaam taachiya.

⁶Apanll siyaa wanasireem ínakchunts, ichingaru yuw tarawaztakis an uru wanasirinandari shitungku taachiya. Apanll waana siyaam kapung istachintsa.

⁷Kundararis siyaa pachapani atusin, zapantaa tputs turututut shitanusin, itaru siyaatssha pakchusin, waantatamtisin punikchusin, piyamsha suwatartachinllinaya. Apanllsha waana siyamari kasimaam istachiya.

⁸Siy zurampatartanaariya Israelchichis Apanllee mangoonkus ashiru, waanasha Apanll siyaam taarasheemish kis taamaam wayachiya. Yuwaa tatsumkis anoo wanasirinandari pusakus taatssa. Yuw maachi ichingaru patatkis an wanasirinandari shitungchiya. Apanll waana siyaamsha tsapoo panakchunts, anush mapiyrus kis xarashish ndunshaparee taatssa, Móysis Israelchichee tputs tárangiya. Ashiriya, na kamaneena yuwaa Apanll Israelchichee; Nuw siyaam kapung istachintspa, tárangu anootsi.

¹⁵Wandaya siy Israelchichis Apanllee kamachtamarini nda payukus, nduntam tuminkus, uru siyash kiyung kachiyshish kuschiya. Apanll waana waneeshshee zangankachu, kiyung kachiykus urutamari taatssa.

¹⁶Yaktash taakus, kiyung kachiykus waneeshishsha taatssa. Mzarshitamtis nda kxunku, mariz kayatatssa.

¹⁷Tirikuritamtis siyaam pishtaku, maringakus, marizimun kiyung kachiyatssa.

¹⁸Ipartamtis nda pzapaneekus, wipashartis taatssa. Chinitamtis wakararis, opeejaritamtis ndusha pzapanichinllinaya. Yuw maachi chinukis an ashpari marizimun tsipachinllinaya.

¹⁹Maachi siy yuw tarawaztakchis an ndusha wanasir shitungchiya. Apanll waneesh amb ashtachiya.

³⁶Apanll waana siyaa kiyung kachiyamaam wayakchu, kundararshitis siyashchee kurak putayarusin, piyamsha tsap yapsha nda siy pataris, zitaminarinitamtis nda patarana ambsha siyaa machchinllinaya. Ashkatssin, anushsha taakamchus, minootssha tputs apanllputsirini ungirtakus taatssa. Yuwaa apanllputsee maachi yasin, patumbcheetstam tinakana anush siysa tumineertamtis ungirtatssa.

³⁷Anshuchshitisin tputs siyaa kiyung yachachinllinaya. Siyaa minumtiyam anshuch tputs chinachazinllinaja, ndambaree. Anush siyaa ichingaru zar ipazaksin taaratartantssa, Apanllee kasakchinaareesa ashiru, Móysis Israelchichee tárangiya. Ashiriya, na kamaneena yuwaa Móysis; Apanllee kuk nda payukus, kiyung kachiykus taatssa, Israelchichee tárangu anootsi.