Taalie 9:7-16

⁷Mixi yo naxan katama yɛtɛ igboe matinxinde, a maraɲaaxui nan sɔtɔma. Mixi yo naxan katama mixi ɲaaxi raside, a konbi nan sɔtɔma.

⁸Xa i xurutare rasi, a i xɔnma nɛ. Xa i xaxilima rasi, a i xanuma nɛ.

⁹I naxan falama lɔnnila bɛ, a nde nan sama a xa lɔnni xun. I naxan masenma tinxintɔɛ bɛ, a nde nan sama a xa tinxinyi xun.

¹⁰Lɔnni fɔlɔma Alatala xa yaragaaxui nan ma. Fahaamui sɔtɔma Ala Sɛniyɛntɔɛ kolonfe nan ma.

¹¹I xa duniɲɛigiri xɔn kuyama nɛ lɔnni ra, i xa simaya ɲɛ kɔnti xun masama nɛ fahaamui ra.

¹²Xaxilima lɔnni sare nan sɔtɔma, kɔnɔ mixi naxan yoma a boore ma, na tɔɔrɛ nan tun sɔtɔma.

¹³Xaxilitareɲa luxi nɛ alɔ ginɛ naxan dɛ wuya, a mu xuru, a mu fe kolon.

¹⁴A dɔxɔma a xa banxi sode dɛ nan na dɔxɔse ma naxan na yire itexi,

¹⁵alako a xa dangi mixie xili a xui itexi ra, naxee na e ɲɛrɛfe kira tinxinxie xɔn ma.

¹⁶A a falama mixie bɛ naxee mu fahaamui sɔtɔxi, «Wo tan xaxilitaree, wo fa be.