Proverbs 9:7-16

⁷Ikia sinar suwik sapara ko kari agi, memek betera ko kari mu ko memek mu kasuruko mu, ni ko sinar to se ko; mu awuk, nu koma ko den memek ka manukko.

⁸Buta se ikia sinar suwik sapara ko kari, ko memek me manaruko; ni manaru mu kerak dun kopa iluwokko; bare ikia sinar ko kari, ko paguwura kasuru mu nu amilmilarukko.

⁹Mu awuk, kari ikia sinar ago mu kiti gurugusam, mu eng am nu ningo nuam ko arataso; uwutatala, ningo diram betera ko kari mu ikia ningo kasursam, mu ni noko ikia ningo mu kunasi tusam.

¹⁰Yawe ko kua bowa ningi la bagara ko munan mu ikia sinar te ta ko lage kuring; Kaem Laili mu ko ninguru iki, mu ni ikia sinar ko nunguning karogo terong meko.

¹¹Ikia sinar ilukuawur, mu ni tom maiya biya, yia suen biya ali imi te bagerko.

¹²Ni ikia sinar karogo, mu ikia sinar mu koma ningo kisokko; bare ni ikia sinar suwik sapar, mu ni keta nimi ikup ningi betesam.

¹³Ikia Ngualara mu imet bo numi ira mena, kuring nirung gurum; ikia ningo bo nukote me aniso.

¹⁴Nu noko kawam kuring ko daigam, ale kualala biya baga se loagaram se wonong te kaparam

¹⁵se kariimet lage karo nama taiwasan mu aiso ale nunga manarso:

¹⁶“Nina kariimet ninga ikia me sinar aso, mu aninga kawam te tairalko.” Ale kariimet nunga ikia aora biya mu nunga manarso: