Taalie 30:15-29

¹⁵Di firin na nisi bɛ naxee a falama, «N ki, n ki.» Se saxan na na, xa na mu a ra, se naani, naxee mu wasama, naxee mu a falama, «Na lan.»

¹⁶E tan nan ya: aligiyama, ginɛ dibaritare, gbengberenyi, nun tɛ. Nee sese mu a falama, «Na lan.»

¹⁷Mixi naxan yoma a baba ma, naxan mu a nga xui rabatuma, xaaxae kelima nɛ gulunba yire e a yae sakun, sɛgɛ yɔrɛe fa a donde.

¹⁸Se saxan na na, xa na mu a ra, se naani, n mu naxee fahaamuma e xa tilinyi xa fe ra.

¹⁹E tan nan ya: Sɛgɛ xa kira koore ma, bɔximase xa kira fanye fari, kunkui xa kira baa ma, xɛmɛ xa kira ginɛdimɛdi xɔnyi.

²⁰Ginɛ yɛnɛla xa wali nan ya: A na gɛ a dɛgede, a a dɛ raxa, a fa a fala, «N mu fe ɲaaxi yo rabaxi.»

²¹Se saxan na na, xa na mu a ra, se naani, naxee mu nɔma lude duniɲa fari.

²²E tan nan ya: Konyi findife mangɛ ra, xaxilitare findife banna ra,

²³ginɛ maxanutare dɔxɔfe xɛmɛ taa, konyi ginɛ naxan findife a kanyi kɛ tongoe ra.

²⁴Sube naani na naxee xurun duniɲa subee birin bɛ, kɔnɔ e xa lɔnni dangi a birin na.

²⁵E tan nan ya: Dondoli naxan sɛnbɛ mu gbo, kɔnɔ e baloe fenma a fen waxati.

²⁶Yere maniyɛ nde naxan sɛnbɛ mu gbo, kɔnɔ a yili gema gɛmɛ longori yigiya sɔtɔde.

²⁷Mangɛ mu na katoe bɛ, kɔnɔ e e ɲɛrɛma xunlande ki ma.

²⁸Kasa naxan nɔma tongode bɛlɛxɛ ra, kɔnɔ a toma mangɛ xa banxi kui.

²⁹Se saxan na na, xa na mu a ra, se naani, naxee ɲɛrɛ ki tofan.